Qazaqstan men Izrail syrtqy ister ministrligi eki basshynyń áńgimesi týraly eki túrli málimet bergen, dep habarlaidy Dalanews.kz.
Izraildiń syrtqy ister ministrligi taratqan aqparatta ministr Gideon Saar qazaqstandyq ministr Ermek Kósherbaevpen Irandaǵy soǵys týraly áńgimeleskeni aitylady.
«Jańa ǵana Qazaqstannyń syrtqy ister ministri Ermek Kósherbaevpen sóilestim.Men oǵan Irandaǵy terroristik rejimge qarsy júrgizip jatqan soǵysymyzdyń barysy týraly aityp berip, Irannyń kórshi memleketterge jasaǵan qatygez shabýyldaryn aittym. Sondai-aq Qazaqstanmen aradaǵy jaqsy ekijaqty bailanystardy odan ári nyǵaitýǵa beiildi ekenimizdi rastadym», - delingen habarlamada.
Al Qazaqstannyń syrtqy ister ministrligi taratqan aqparatta eki ministrdiń soǵys barysyn talqylaǵany týraly emes, Kósherbaevtyń qazaqstandyqtardy evakýatsiialaýǵa ótinish jasaǵany týraly aitylady.
"Taraptar Taiaý Shyǵystaǵy aǵymdaǵy ahýaldy talqylap, ekijaqty yntymaqtastyqtyń ózekti máselelerin qarastyrdy. Suhbat barysynda E.Kósherbaev izraildik áriptesine Izrailde júrgen QR azamattaryn evakýatsiialaýǵa járdem kórsetý týraly ótinish bildirip, bul másele elimiz úshin basym mindetterdiń biri ekenin atap ótti. Óz kezeginde G.Saar Izrail tarapy Qazaqstan azamattaryn evakýatsiialaý máselesin sheshýge bar kúsh-jigerin salatynyn jetkizip, bul máseleni óziniń jeke baqylaýyna alatynyna sendirdi", - delingen habarlamada.
