قازاقستان مەن يزرايل سىرتقى ٸستەر مينيسترلٸگٸ ەكٸ باسشىنىڭ ەڭگٸمەسٸ تۋرالى ەكٸ تٷرلٸ مەلٸمەت بەرگەن, دەپ حابارلايدى Dalanews.kz.
يزرايلدٸڭ سىرتقى ٸستەر مينيسترلٸگٸ تاراتقان اقپاراتتا مينيستر گيدەون ساار قازاقستاندىق مينيستر ەرمەك كٶشەرباەۆپەن يرانداعى سوعىس تۋرالى ەڭگٸمەلەسكەنٸ ايتىلادى.
«جاڭا عانا قازاقستاننىڭ سىرتقى ٸستەر مينيسترٸ ەرمەك كٶشەرباەۆپەن سٶيلەستٸم.مەن وعان يرانداعى تەرروريستٸك رەجيمگە قارسى جٷرگٸزٸپ جاتقان سوعىسىمىزدىڭ بارىسى تۋرالى ايتىپ بەرٸپ, يراننىڭ كٶرشٸ مەملەكەتتەرگە جاساعان قاتىگەز شابۋىلدارىن ايتتىم. سونداي-اق قازاقستانمەن اراداعى جاقسى ەكٸجاقتى بايلانىستاردى ودان ەرٸ نىعايتۋعا بەيٸلدٸ ەكەنٸمٸزدٸ راستادىم», - دەلٸنگەن حابارلامادا.
ال قازاقستاننىڭ سىرتقى ٸستەر مينيسترلٸگٸ تاراتقان اقپاراتتا ەكٸ مينيستردٸڭ سوعىس بارىسىن تالقىلاعانى تۋرالى ەمەس, كٶشەرباەۆتىڭ قازاقستاندىقتاردى ەۆاكۋاتسييالاۋعا ٶتٸنٸش جاساعانى تۋرالى ايتىلادى.
"تاراپتار تاياۋ شىعىستاعى اعىمداعى احۋالدى تالقىلاپ, ەكٸجاقتى ىنتىماقتاستىقتىڭ ٶزەكتٸ مەسەلەلەرٸن قاراستىردى. سۇحبات بارىسىندا ە.كٶشەرباەۆ يزرايلدٸك ەرٸپتەسٸنە يزرايلدە جٷرگەن قر ازاماتتارىن ەۆاكۋاتسييالاۋعا جەردەم كٶرسەتۋ تۋرالى ٶتٸنٸش بٸلدٸرٸپ, بۇل مەسەلە ەلٸمٸز ٷشٸن باسىم مٸندەتتەردٸڭ بٸرٸ ەكەنٸن اتاپ ٶتتٸ. ٶز كەزەگٸندە گ.ساار يزرايل تاراپى قازاقستان ازاماتتارىن ەۆاكۋاتسييالاۋ مەسەلەسٸن شەشۋگە بار كٷش-جٸگەرٸن سالاتىنىن جەتكٸزٸپ, بۇل مەسەلەنٸ ٶزٸنٸڭ جەكە باقىلاۋىنا الاتىنىنا سەندٸردٸ", - دەلٸنگەن حابارلامادا.
