Qazaqstan men Islam damý banki (IDB) basym infraqurylymdyq jobalardy iske asyrý úshin 1,1 mlrd AQSh dollaryna deiingi somada qarjylandyrý tartýdy kózdeitin Niettestik hattamasyna qol qoidy. Qujat QR Premer-Ministriniń keńesshisi Nurlan Baibazarov pen Islam damý bankiniń prezidenti doktor Muhammad Sýleiman Ál-Djasser arasyndaǵy kezdesýdiń qorytyndysy boiynsha rásimdeldi,- dep habarlaidy Dalanews.kz
Kezdesýde arnaiy ekonomikalyq jáne indýstriialyq aimaqtar aýmaǵynda injenerlik jáne kólik infraqurylymyn damytý salasyndaǵy yntymaqtastyqty tereńdetý perspektivalary talqylandy.
Kelisimderdi iske asyrý Qazaqstan ekonomikasyna 1,6 trln teńgeden astam investitsiia tartýǵa jáne 16 myńnan astam jumys ornyn qurýǵa múmkindik berip, indýstriialandyrý men ekonomikany ártaraptandyrý protsesterin jedeldetýge yqpal etedi dep kútilýde.
Yntymaqtastyq Qazaqstan men IDB 2024 jylǵy maýsymda qol qoiǵan Shekti baǵdarlamalyq kelisimde aiqyndalǵan strategiialyq áriptestik sheńberinde júzege asyrylýda. Atalǵan kelisim aiasynda taraptar 8 mlrd AQSh dollarynan astam somaǵa birlesken investitsiialyq jobalardy iske asyrý nietin bildirgen bolatyn.
Birinshi kezeń – IDB tarihyndaǵy eń iri nesie – 1,15 mlrd AQSh dollaryn qamtityn turaqty sý resýrstaryn damytý jobasyn qarjylandyrý boldy. Qarajat eldiń sý jáne ekologiialyq qaýipsizdigin arttyrýǵa baǵyttalǵan sý qoimalary men irrigatsiialyq arnalardy salýǵa jáne jańǵyrtýǵa jumsalady.
Sonymen qatar ulttyq damý institýttarynyń qatysýymen islamdyq investitsiialardy tartý boiynsha kelesi qadamdar aiqyndaldy.
