Qazaqstannyń Ishki ister ministrligi Ýkraina Ulttyq politsiiasy jáne eki eldiń Bas prokýratýralarymen birlesip, halyqaralyq qylmystyq toptarǵa tiesili call ortalyqtardy áshkereleý boiynsha arnaiy operatsiia ótkizdi, dep habarlaidy dalanews.kz.
28 mamyrda Kiev qalasynda Eýropa men TMD elderinde sintetikalyq esirtki óndirý jáne taratýmen ainalysqan uiymǵa qatysy bar call ortalyqtardyń jumysy toqtatylǵan.
Tergeý málimetine sáikes bul ortalyqtar azamattardy esirtki saýdasyna tartý úshin paidalanylǵan. Operatorlar men menedjerler Qazaqstan aýmaǵynda esirtki jasyrýshylar men oraýshylardy izdep, olardy zańsyz jumysqa qabyldaǵan.
IIM Esirtki qylmysyna qarsy is-qimyl komiteti tóraǵasynyń orynbasary Eldar Ábdikenovtiń aitýynsha, arnaiy operatsiia barysynda 11 adam qolǵa túsken. Olardyń qatarynda uiymdastyrýshylar, operatorlar jáne adamdardy zańsyz jumysqa tartqandar bar.
Sondai-aq, toǵyz mekenjaida tintý júrgizilip, 40 myń dollarǵa jýyq qarajat, 10 myń eýro, Range Rover kóligi, 18 uialy telefon, 12 noýtbýk pen planshet tárkilengen.
