Qazaqstan men Túrkiia readmissiia týraly kelisimge qol qoidy, dep habarlaidy dalanews.kz.
Ishki ister ministri Erjan Sádenov pen Túrkiianyń ishki ister ministri Mustafa Chiftchi ekijaqty kelissóz ótkizdi. Kezdesýdiń basty nátijesi Qazaqstan men Túrkiia arasynda readmissiia týraly kelisimge qol qoiylýy boldy.
Qujat eki eldiń kóshi-qon salasyndaǵy ózara is-qimyldyń quqyqtyq negizin nyǵaityp, memleketter aýmaǵynda bolýǵa zańdy negizi joq adamdardy qaitarý tártibin aiqyndaidy.
Kelissóz barysynda Erjan Sádenov pen Mustafa Chiftchi eki eldiń quqyq qorǵaý organdary arasyndaǵy yntymaqtastyqty odan ári damytý máselelerin talqylady.
Transulttyq jáne kiberqylmysqa qarsy is-qimyl, izdestirý, kóshi-qon qaýipsizdigi, kadr daiarlaý jáne beiindi bólimsheler arasyndaǵy ózara is-qimyl negizgi baǵyttar retinde belgilendi.
