Qazaqstannyń jáne Qyrǵyzstannyń Ishki ister ministrlikteri apiyn tobyna jatatyn esirtki jetkizýdiń transulttyq arnasyn anyqtady, dep habarlaidy dalanews.kz.
Birlesken arnaiy operatsiia barysynda Shymkent qalasynda Qazaqstannyń eki azamaty ustalǵan. Olardan shamamen 5 keli aýǵan apiyny tárkilengen.
"Bul derek boiynsha Qylmystyq kodekstiń 297-baby 3-bóligine sáikes sotqa deiingi tergep-tekserý bastaldy. Kúdiktiler ýaqytsha ustaý izoliatoryna qamaldy", - dedi IIM esirtki qylmysyna qarsy is-qimyl komitetiniń basqarma bastyǵy Baqytjan Ámirhanov.
