Qujatqa taraptar byltyr jeltoqsanda Mirziiaevtiń Qazaqstanǵa jasaǵan sapary kezinde qol qoiylǵan.
Kelisimde tabiǵi jáne tehnogendik apattardyń aldyn alý, olardyń saldaryn azaitý boiynsha tótenshe jaǵdailar mekemeleri birlesip tiimdi is atqarýy úshin keshendik sharalar men áreketter qaralǵan.
Ózbekstannyń tótenshe jaǵdailar ministrligi byltyr jeltoqsanda taratqan málimdemede negizgi basymdyq shekaraǵa jaqyn aimaqtarǵa beriletinin atap ótken.
Budan bólek kelisimde qaýipti tehnogendik jáne ekologiialyq protsessterge, jaratylys qubylystaryna monitoring júrgizý jáne boljamdar boiynsha ózara úzdiksiz aqparat almasý, tabiǵi apattardyń aldyn alý, metodikalyq ádebietter, video jáne fotomaterialdar, sonymen birge arnaiy tehnikalyq quraldar almasý qaralǵan.
2020 jyldyń jazynda Ózbekstandaǵy Sardoba sý qoimasy jarylyp, Qazaqstannyń Túrkistan oblysyndaǵy Maqtaaral aýdanyn sý basqan. 30 myńnan astam adam evakýatsiialanǵan. Sý Ózbekstanmen shektesetin bes aýyldy, sonymen birge 7 639 gektar maqta alqabyn basyp qalǵan.
