Qazaqstan men Ózbekstan shekarasyndaǵy kólik ótkizý aǵyny damyp keledi
Joǵaryda aitylǵandardy eskeretin bolsaq, Ózbekstan Respýblikasymen taýar ainalymnyń ósý sebepterinen Túrkistan oblysy boiynsha Memlekettik kirister departamentke qarasty keden beketterinde kezekte turǵan avtokólik quraldary ulǵaiýy oryn aldy.
Bul rette, kezek turǵan avtokólik quraldaryn jyldam ótkizý jáne azaitý maqsatynda, aǵymdaǵy jyldyń 15 qarashasynda Qazaqstan Respýblikasynyń Premer-Ministriniń birinshi orynbasary Asqar Mamin, Ózbekstan Respýblikasynyń Premer-Ministriniń birinshi orynbasary Achilbai Ramatov, QR QM MKK Tóraǵasy Marat Sultanǵazievnyń jáne Departamenttiń laýazymdy tulǵalarynyń qatysýymen ekijaqty kezdesý ótip, ótkizý pýnkterin jańǵyrtyp, jetildirý máselesi, avtokólik keptelisine qatysty suraqtar talqylandy.
Odan basqa, aǵymdaǵy jyldyń 29-30 qazanynda jáne 30 qarashada Memlekettik kirister komiteti Tóraǵasynyń orynbasary Ǵusman Ámrin bastaýmen Ózbekstan Respýblikasymen ekijaqty kezdesý ótkizilip, shekaradaǵy avtokólik keptelisine bailanysty suraqtar talqylandy.
Keden beketterinde kezekte turǵan avtokólik quraldarynyń ótýin jyldamdatý maqsatynda, keden beketine qosymsha qyzmetkerler men jumys oryndary kóbeitildi.
Departament, kúndelikti eki ret iaǵni, saǵat 09:00-degi jáne keshki 21:00-degi jaǵdaidaǵy kezekte turǵan avtokólik quraldary boiynsha málimetterdi Departamenttiń resmi saittaryna jáne áleýmettik jelilerge ornalastyryldy.
Bul aqparat, Ózbekstan Respýblikasyna shyǵatyn júrgizýshiler men tasymaldaýshylar resmi saittardan kezekte turǵan kólik quraldary týraly málimet alyp, kólik quraldary kezektegi az turǵan keden beketin tańdaý arqyly ótýge múmkinshilik beredi.
Óz ýaqytynda, keden beketterinde kúndelikti ortasha 250-300 avtokólik quraldary kezekte turǵan. Kei ýaqytta 500 avtokólik asqan kúnderde oryn alǵanyn aita ketý qajet. Joǵaryda atalǵan sharalardyń qabaldaǵan nátijesinde, qazirgi tańda keden beketterinde kezekte turǵan avtokólik quraldary ortasha 20-30-ǵa deiin azaiǵan.
