Qazaqstan men Mońǵoliia arasynda jańa avtojol paida bolýy múmkin.Kólik ministrliginiń málimetinshe, avtojoldyń jańa baǵyty Mońǵoliia shekarasyna qarai shyǵatyn Óskemen, Ridder qalalary jáne Týekta (Resei Federatsiiasy) eldi-mekeni arqyly ótedi, dep habarlaidy Dalanews.kz.
Jańa marshrýttyń Qazaqstandyǵy ýchaskesi – Óskemen qalasynan Resei Federatsiiasynyń shekarasyna deiingi aralyqta salyndy. Onyń jalpy uzyndyǵy 189 shaqyrym, 62 shaqyrymda kúrdeli jáne ortasha jóndeý jumystary júrgiziledi. Marshrýttyń basym bóligi Resei Federatsiiasynyń aýmaǵy arqyly ótedi, eger Resei tarapy jol salýǵa kelisim berilse, marshrýt 837 shaqyrymdy quraidy.
Al qazir qoldanystaǵy «Óskemen – Rýbtsovsk – Barnaýl – Týekta avtomobil joly – Mońǵoliia shekarasy» tasjolynyń uzyndyǵy 1 604 shaqyrymdy quraidy.
– Jańa joldyń qurylysy jol júrý ýaqytyn edáýir qysqartyp, Qazaqstan men Mońǵoliia arasyndaǵy kólik bailanysyn jaqsartyp qana qoimai, ekonomikalyq jáne mádeni bailanystardy nyǵaitýdaǵy mańyzdy qadam bolmaq, - delingen habarlamada
