Jambyl oblysynda alabai 45 qoidy jairatyp salǵan. Osydan keiin sharýa qojalyǵynyń iesi sotqa júginip, aýdandyq veterinariia bólimi men ákimdik apparatynan shyǵyndy óteýdi talap etken, dep habarlaidy dalanews.kz.
Iesiz júrgen ittiń iesi anyqtalmaǵan. Sot veterinariialyq qyzmet qaraýsyz janýarlardy aýlaý boiynsha sharalardy ýaqytynda qabyldamaǵan degen qorytyndyǵa kelgen.
Al sharýa maldyń qaýipsizdigin tiisti deńgeide qamtamasyz etpedi degen ýájder sotta qoldaý tappaǵan.
Keltirilgen shyǵyn kólemi 2,5 million teńgeden asqan. Sot osy somany jáne sot shyǵynyn aýdandyq veterinariia bóliminen óndirý týraly sheshim shyǵardy.
Al ákimdik apparatyna qatysty talap qanaǵattandyrylmaǵan. Sot sheshimi zańdy kúshine endi.
