Memleket basshysy Astana qalasynyń ákimi Jeńis Qasymbekti qabyldady, dep habarlaidy dalanews.kz.
Prezident Qasym-Jomart Toqaevqa elordanyń áleýmettik-ekonomikalyq jáne infraqurylymdyq damýy týraly málimet berildi.
Jeńis Qasymbek:
Astanada barlyq basty ekonomikalyq kórsetkishter boiynsha oń qarqyn baiqalatynyn jetkizdi.
Biylǵy tórt aida negizgi kapitalǵa salynǵan investitsiia kólemi 588 milliard teńgeni qurady. Bul byltyrǵy osy kezeńmen salystyrǵanda 9,1 paiyz joǵary. Olardyń arasynda óńdeý ónerkásibi, bilim, meditsina, kólik, saýda, logistika salalaryna qatysty jobalar bar.
Búginde Astana LRT jeńil relsti kólik jelisi tolyq jumys istep tur. Elordanyń qoǵamdyq kólik júiesin jandandyrý maqsatynda jobanyń ekinshi kezeńi pysyqtalýda.
áleýmettik nysandardyń qurylysy, turǵyn úi alaptaryn kórkeitý jóninde aitty.
Sońǵy jyldary Astanada 44 mektep salynǵan. Al jańa oqý jylynda 12 bilim oshaǵy ashylady. Sonymen qatar 2 oqýshylar saraiyn jáne 6 balabaqshany el igiligine berý josparlanyp otyr.
2028 jylǵa deiin 2 perinataldy ortalyq, kópbeiindi aýrýhana jáne diagnostikalyq keshenniń qurylysy aiaqtalmaq.
qalanyń injenerlik-kommýnaldyq infraqurylymy, Smart City jobasynyń iske asyrylýy týraly baiandady.
2026 jyly 173 aýla men qoǵamdyq keńistikti abattandyrý, 1,1 million túp jasyl jelek egý kózdelgen.
Kezdesý sońynda Memleket basshysy Astana ákimi Jeńis Qasymbektiń qyzmetin oń baǵalap, elordany odan ári damytýǵa qatysty birqatar tapsyrma berdi.
