Qazaqstan Respýblikasy Kólik ministrligi halyqaralyq baǵyttar boiynsha ushý geografiiasyn keńeitý jáne qoldanystaǵy baǵyttar boiynsha reister sanyn arttyrý maqsatynda turaqty túrde jumys júrgizip keledi. 2025 jylǵy 12 qyrkúiekte Qazaqstan Respýblikasy Kólik ministrligi men Gonkongtyń Kólik jáne logistika biýrosy arasynda áýe qatynasy máseleleri boiynsha kelissózder ótti,- dep habarlaidy Dalanews.kz
Qazaqstan delegatsiiasyna Qazaqstan Respýblikasy Kólik vitse-ministri Talǵat Lastaev, al Gonkong delegatsiiasyna Gonkongtyń Kólik jáne logistika biýrosynyń Bas hatshysynyń kómekshisi Kelvin Ma jetekshilik etti.
Kelissózderdiń nátijesinde, ár eldiń áýe kompaniialary úshin reister sany aptasyna 7-den 14-ke deiin ulǵaityldy. Onyń ishinde aptasyna 7 reis «aýa keńistiginiń besinshi dárejeli erkindigi» qaǵidasy boiynsha júzege asyrylatyn bolady. Bul qazaqstandyq tasymaldaýshylar úshin Gonkong áýejaiynyń áleýetin paidalanýǵa, sondai-aq gonkongtyq áýe kompaniialaryna qazaqstandyq áýejailardy qoldanýǵa múmkindik beredi.
Kelissózder barysynda gonkongtyq «Cathay» áýe kompaniiasynyń ókili jańa áýe kemeleriniń kelýin eskere otyryp, Qazaqstan Respýblikasyna tikelei reister ashý jospary bar ekenin jetkizdi.
Quqyqtyq bazanyń keńeitilýi men áýe qatynasynyń qaita jandanýy elder arasyndaǵy saýda-ekonomikalyq, iskerlik jáne týristik yntymaqtastyqty odan ári damytýǵa yqpal etedi.
Eske salaiyq, «Cathay» áýe kompaniiasy – álemdegi eń iri jolaýshylar men júk tasymaldaýshy áýe kompaniialarynyń biri. Áýe kompaniiasy álem boiynsha 100-den astam baǵytqa ushady. Ushaq parki 170-ten astam áýe kemesinen turady jáne kompaniia qazirgi tańda ushaqtar sanyn odan ári arttyrý jumystaryn júrgizýde.
