Bas prokýratýrada EQYU baǵdarlamalar Ofisiniń kómegimen «Azamattyq tárkileý aktivterdi qaitarýdyń negizgi tetigi retinde: qoldaný perspektivalary men álemdik tájiribe» atty taqyrybynda halyqaralyq ǵylymi-praktikalyq konferentsiia ótti.
Qazaqstan Respýblikasynyń Bas Prokýrory Berik Asylov, Sybailas jemqorlyqqa qarsy is-qimyl agenttiginiń tóraǵasy Ashat Jumaǵali jáne Astana qalasyndaǵy EQYU baǵdarlamalar Ofisiniń Basshysy Elshi Folker Frobart qatysýshylardy qarsy alyp, taqyryptyń ózektiligin atap ótip, konferentsiia tájiribe men bilim almasýdyń mańyzdy alańyna ainalatynyna senim bildirdi.
Bas Prokýror Berik Asylovtyń sózimen aitqanda: «Azamattyq tárkileý quralyn qoldaný praktikasy men túrli elderdiń zańdarynyń óz erekshelikteri bar, degenmen olardyń maqsaty bir – ol memlekettiń múddesin qamtamasyz etý».
Is-sharaǵa EQYU jáne BUU EQB, Halyqaralyq zańgerler qaýymdastyǵy (Ulybritaniia), Bazeldiń basqarý institýtynyń (Shveitsariia) ókilderi, Bolgariia, Ispaniia jáne Portýgaliiadan kelgen jetekshi sheteldik sarapshylar, sot tóreligi, quqyq qorǵaý jáne qarjy monitoringi akademiialarynyń basshylary men ǵalymdary, sondai-aq beiindi memlekettik organdardyń qyzmetkerleri qatysty.
Spikerler sheteldik tájiribesin eskere otyryp, azamattyq tárkileýdi qoldanýdyń ózekti máselelerin, sondai-aq aktivterdi qaitarý týraly Zańnyń negizgi erejelerin, onyń ishinde paida bolýy túsiniksiz bailyq týraly talap qoiý tártibin retteitin máselelerdi sipattady.
Halyqaralyq sarapshylar búkil álemde qoldanylatyn sybailas jemqorlyqpen kúresýge baǵyttalǵan azamattyq tárkileý rásiminiń tiimdiligi jaily ustanymyn bildirdi.
Konferentsiia aiasynda Qazaqstan Respýblikasy Bas Prokýrorynyń Astanadaǵy EQYU baǵdarlamalar Ofisiniń Basshysymen ekijaqty kezdesýi ótti.
Taraptar qazirgi zamanǵy syn-qaterlerge, onyń ishinde terrorizm men adam saýdasyna, kiber jáne esirtki qylmysyna qarsy is-qimyl, sondai-aq sybailas jemqorlyqqa qarsy kúres jónindegi bastamalardy iske asyrýda odan ári yntymaqtastyqty nyǵaitýǵa daiyn ekendikterin bildirdi.
Bas prokýratýranyń baspasóz qyzmeti
Qazaqstan men EQYU halyqaralyq konferentsiiada azamattyq tárkileýdi talqylady
