باس پروكۋراتۋرادا ەقىۇ باعدارلامالار وفيسٸنٸڭ كٶمەگٸمەن «ازاماتتىق تەركٸلەۋ اكتيۆتەردٸ قايتارۋدىڭ نەگٸزگٸ تەتٸگٸ رەتٸندە: قولدانۋ پەرسپەكتيۆالارى مەن ەلەمدٸك تەجٸريبە» اتتى تاقىرىبىندا حالىقارالىق عىلىمي-پراكتيكالىق كونفەرەنتسييا ٶتتٸ.
قازاقستان رەسپۋبليكاسىنىڭ باس پروكۋرورى بەرٸك اسىلوۆ, سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اسحات جۇماعالي جەنە استانا قالاسىنداعى ەقىۇ باعدارلامالار وفيسٸنٸڭ باسشىسى ەلشٸ فولكەر فروبارت قاتىسۋشىلاردى قارسى الىپ, تاقىرىپتىڭ ٶزەكتٸلٸگٸن اتاپ ٶتٸپ, كونفەرەنتسييا تەجٸريبە مەن بٸلٸم الماسۋدىڭ ماڭىزدى الاڭىنا اينالاتىنىنا سەنٸم بٸلدٸردٸ.
باس پروكۋرور بەرٸك اسىلوۆتىڭ سٶزٸمەن ايتقاندا: «ازاماتتىق تەركٸلەۋ قۇرالىن قولدانۋ پراكتيكاسى مەن تٷرلٸ ەلدەردٸڭ زاڭدارىنىڭ ٶز ەرەكشەلٸكتەرٸ بار, دەگەنمەن ولاردىڭ ماقساتى بٸر – ول مەملەكەتتٸڭ مٷددەسٸن قامتاماسىز ەتۋ».
ٸس-شاراعا ەقىۇ جەنە بۇۇ ەقب, حالىقارالىق زاڭگەرلەر قاۋىمداستىعى (ۇلىبريتانييا), بازەلدٸڭ باسقارۋ ينستيتۋتىنىڭ (شۆەيتسارييا) ٶكٸلدەرٸ, بولگارييا, يسپانييا جەنە پورتۋگالييادان كەلگەن جەتەكشٸ شەتەلدٸك ساراپشىلار, سوت تٶرەلٸگٸ, قۇقىق قورعاۋ جەنە قارجى مونيتورينگٸ اكادەمييالارىنىڭ باسشىلارى مەن عالىمدارى, سونداي-اق بەيٸندٸ مەملەكەتتٸك ورگانداردىڭ قىزمەتكەرلەرٸ قاتىستى.
سپيكەرلەر شەتەلدٸك تەجٸريبەسٸن ەسكەرە وتىرىپ, ازاماتتىق تەركٸلەۋدٸ قولدانۋدىڭ ٶزەكتٸ مەسەلەلەرٸن, سونداي-اق اكتيۆتەردٸ قايتارۋ تۋرالى زاڭنىڭ نەگٸزگٸ ەرەجەلەرٸن, ونىڭ ٸشٸندە پايدا بولۋى تٷسٸنٸكسٸز بايلىق تۋرالى تالاپ قويۋ تەرتٸبٸن رەتتەيتٸن مەسەلەلەردٸ سيپاتتادى.
حالىقارالىق ساراپشىلار بٷكٸل ەلەمدە قولدانىلاتىن سىبايلاس جەمقورلىقپەن كٷرەسۋگە باعىتتالعان ازاماتتىق تەركٸلەۋ رەسٸمٸنٸڭ تيٸمدٸلٸگٸ جايلى ۇستانىمىن بٸلدٸردٸ.
كونفەرەنتسييا اياسىندا قازاقستان رەسپۋبليكاسى باس پروكۋرورىنىڭ استاناداعى ەقىۇ باعدارلامالار وفيسٸنٸڭ باسشىسىمەن ەكٸجاقتى كەزدەسۋٸ ٶتتٸ.
تاراپتار قازٸرگٸ زامانعى سىن-قاتەرلەرگە, ونىڭ ٸشٸندە تەرروريزم مەن ادام ساۋداسىنا, كيبەر جەنە ەسٸرتكٸ قىلمىسىنا قارسى ٸس-قيمىل, سونداي-اق سىبايلاس جەمقورلىققا قارسى كٷرەس جٶنٸندەگٸ باستامالاردى ٸسكە اسىرۋدا ودان ەرٸ ىنتىماقتاستىقتى نىعايتۋعا دايىن ەكەندٸكتەرٸن بٸلدٸردٸ.
باس پروكۋراتۋرانىڭ باسپاسٶز قىزمەتٸ
قازاقستان مەن ەقىۇ حالىقارالىق كونفەرەنتسييادا ازاماتتىق تەركٸلەۋدٸ تالقىلادى
