Qazaqstan Respýblikasynyń Bas prokýratýrasy azamattardy media-keńistikte taralyp, 240 myńnan astam qaralym jinaǵan «onlain I konsýltatsiia berý jáne qoldaý quqyǵy» dep atalatyn beinerolik týraly eskertedi, onda azamattarǵa aqshalai qarajatty qaitarýǵa memlekettik organnyń atynan járdemdesý usynylady, dep habarlaidy dalanews.kz.
Bul beinematerial jasandy intellekt (dipfeik) tehnologiialaryn paidalana otyryp jasalǵany jáne keiinnen aqsha qarajatyn jymqyrý maqsatynda azamattardy adastyrýǵa baǵyttalǵany anyqtaldy.
Qazaqstan Respýblikasynda osy beinerolikte atalǵan «Investitsiialardy baqylaý agenttigi» dep atalatyn memlekettik organ joq. Quqyq qorǵaý jáne memlekettik organdar qyzmetkerleriniń beinelerin osyndai materialdarda paidalaný azamattardyń alaiaqtyq shemalarǵa degen senimin arttyrýdyń bir joly bolyp tabylady.
Bas prokýratýranyń tapsyrmasy boiynsha Ishki ister ministrligi atalǵan beinematerialdy daiyndaýǵa jáne taratýǵa qatysy bar adamdardy anyqtaýǵa, olardy keiinnen zańnamaǵa sáikes jaýapqa tartýǵa baǵyttalǵan tekserý uiymdastyrdy.
Bas prokýratýra azamattardy qyraǵy bolýǵa, áleýmettik jelilerde, messendjerlerde jáne ózge de internet-resýrstarda taratylatyn aqparatqa syni kózqaraspen qaraýǵa, sondai-aq kúmándi siltemelerdi ashpaýǵa jáne jeke derekterdi ne aqshalai qarajatty úshinshi tulǵalarǵa bermeýge shaqyrady.
Prokýratýra memlekettik organdar messendjerler, áleýmettik jeliler nemese bógde onlain-platformalar arqyly aqsha qarajatyn qaitarý boiynsha qyzmet kórsetpeitinin eske saldy.
Mundai faktiler anyqtalǵan jaǵdaida quqyq qorǵaý organdaryna dereý júginýdi nemese «102» - ge habarlaýdy suraimyz.
