Qazaqstan Respýblikasy Premer-ministriniń orynbasary – Syrtqy ister ministri Ermek Kósherbaev AQSh memlekettik hatshysy Marko Rýbiomen telefon arqyly sóilesti, dep habarlaidy dalanews.kz.
Qazaqstan Syrtqy ister ministrliginiń málimetinshe, taraptar ekijaqty yntymaqtastyqtyń ózekti máselelerin, Prezident Qasym-Jomart Toqaevtyń G20 sammitine qatysý úshin AQSh-qa josparlanǵan saparyna daiyndyqty, sondai-aq Kaspii qubyr konsortsiýmy (KQK) tóńiregindegi jaǵdaidy talqylady.
Sońǵy ailarda KQK infraqurylymy birneshe ret shabýylǵa ushyraǵany belgili.
AQSh úshin KQK-nyń turaqty jumysy ekonomikalyq turǵydan da mańyzdy. Bul qubyr arqyly amerikalyq munai-gaz kompaniialary qatysatyn Qazaqstandaǵy iri ken oryndarynyń munaiy eksporttalady.
Atap aitqanda, Chevron «Teńizshevroil» JShS-niń 50 paiyz úlesine ielik etedi. Bul kompaniia Teńiz ken ornyn igeretin operator bolyp sanalady. Al ExxonMobil atalǵan jobada 25 paiyz úleske ie.
Sonymen qatar, eki amerikalyq kompaniia da Qashaǵan ken ornyn igerip jatqan halyqaralyq NCOC konsortsiýmynyń quramyna kiredi. Budan bólek, Chevron Qarashyǵanaq jobasyna KPO kompaniiasyndaǵy úlesi arqyly qatysady.
Eske salaiyq, búgin Kaspii qubyr konsortsiýmy terminalyndaǵy taǵy eki tankerge shabýyl jasalǵan edi.
