قازاقستان رەسپۋبليكاسى پرەمەر-مينيسترٸنٸڭ ورىنباسارى – سىرتقى ٸستەر مينيسترٸ ەرمەك كٶشەرباەۆ اقش مەملەكەتتٸك حاتشىسى ماركو رۋبيومەن تەلەفون ارقىلى سٶيلەستٸ, دەپ حابارلايدى dalanews.kz.
قازاقستان سىرتقى ٸستەر مينيسترلٸگٸنٸڭ مەلٸمەتٸنشە, تاراپتار ەكٸجاقتى ىنتىماقتاستىقتىڭ ٶزەكتٸ مەسەلەلەرٸن, پرەزيدەنت قاسىم-جومارت توقاەۆتىڭ G20 سامميتٸنە قاتىسۋ ٷشٸن اقش-قا جوسپارلانعان ساپارىنا دايىندىقتى, سونداي-اق كاسپيي قۇبىر كونسورتسيۋمى (كقك) تٶڭٸرەگٸندەگٸ جاعدايدى تالقىلادى.
سوڭعى ايلاردا كقك ينفراقۇرىلىمى بٸرنەشە رەت شابۋىلعا ۇشىراعانى بەلگٸلٸ.
اقش ٷشٸن كقك-نىڭ تۇراقتى جۇمىسى ەكونوميكالىق تۇرعىدان دا ماڭىزدى. بۇل قۇبىر ارقىلى امەريكالىق مۇناي-گاز كومپانييالارى قاتىساتىن قازاقستانداعى ٸرٸ كەن ورىندارىنىڭ مۇنايى ەكسپورتتالادى.
اتاپ ايتقاندا, Chevron «تەڭٸزشەۆرويل» جشس-نٸڭ 50 پايىز ٷلەسٸنە يەلٸك ەتەدٸ. بۇل كومپانييا تەڭٸز كەن ورنىن يگەرەتٸن وپەراتور بولىپ سانالادى. ال ExxonMobil اتالعان جوبادا 25 پايىز ٷلەسكە يە.
سونىمەن قاتار, ەكٸ امەريكالىق كومپانييا دا قاشاعان كەن ورنىن يگەرٸپ جاتقان حالىقارالىق NCOC كونسورتسيۋمىنىڭ قۇرامىنا كٸرەدٸ. بۇدان بٶلەك, Chevron قاراشىعاناق جوباسىنا KPO كومپانيياسىنداعى ٷلەسٸ ارقىلى قاتىسادى.
ەسكە سالايىق, بٷگٸن كاسپيي قۇبىر كونسورتسيۋمى تەرمينالىنداعى تاعى ەكٸ تانكەرگە شابۋىل جاسالعان ەدٸ.
