Elimizde tsifrlyq aktivter ainalymyndaǵy kúmándi áreketterdi áshkereleýge arnalǵan jańa júie iske qosylmaq. Osy maqsatta Ulttyq kriptoanalitika ortalyǵyn qurý josparlanyp otyr. Bul týraly Ulttyq bank tóraǵasy Timýr Súleimenov Úkimet otyrysynda aitty, dep habarlaidy dalanews.kz.
Ortalyq kriptovaliýta qozǵalysynyń búkil tizbegin zertteidi. Mamandar tsifrlyq ámiiandar arasyndaǵy aýdarymdardy, operatsiiaǵa qatysýshylardy, sondai-aq qarajattyń kriptovaliýtadan dástúrli aqshaǵa jáne keri baǵytta aýysýyn qadaǵalai alady.
Joba qarjy salasyndaǵy alaiaqtyqqa qarsy kúresti de kúsheitpek. Kriptoanalitika ortalyǵy Ulttyq banktiń Antifrod-ortalyǵymen yqpaldasyp, anyqtalǵan derekterdi banktermen, quqyq qorǵaý organdarymen jáne tsifrlyq aktivter naryǵynda zańdy túrde qyzmet etetin kompaniialarmen bólisedi.
Timýr Súleimenov jańa tetik kriptovaliýta naryǵyna jappai shekteý engizý úshin qurylmaitynyn atap ótti. Onyń negizgi mindeti – qaýip týdyratyn naqty operatsiiany anyqtap, sharany soǵan qatysty qoldaný.
"Jeke klientke nemese belgili bir operatsiiaǵa qatysty táýekel litsenziialanǵan provaiderdiń barlyq shotyn buǵattaýǵa negiz bolmaýy kerek. Shekteý tek kúmán týǵyzǵan naqty jaǵdaiǵa qatysty engizilýge tiis", – dedi Ulttyq bank tóraǵasy.
Aldaǵy ýaqytta Ulttyq bank, Qarjylyq monitoring agenttigi jáne Qarjy naryǵyn retteý jáne damytý agenttigi kriptovaliýta operatsiialaryn qaýip deńgeiine qarai saralaityn ortaq baqylaý tártibin ázirlemek. Osylaisha, quzyrly organdar búkil naryqty shekteýdiń ornyna táýekeli joǵary tranzaktsiialarǵa basymdyq berýdi kózdep otyr.
