Qazaqstan Ulttyq Banki "Este qalatyn oqiǵalar men birtýar adamdar" seriiasynan QAZAQSTAN KONSTITÝTsIIaSYNA 30 JYL kollektsiialyq monetalaryn ainalysqa shyǵarady, dep habarlaidy Dalanews.kz.
Qazaqstan Konstitýtsiiasynyń 30 jyldyǵy – elimizdiń quqyqtyq memleket qurý jáne demokratiialyq institýttardy nyǵaitý jolyndaǵy tarihi taǵdyryn aishyqtaityn aitýly data. Ata Zań táýelsizdiktiń irgetasy, birlik pen azamattyq kelisimniń simvoly sanalady.
Monetalarda el Konstitýtsiiasyn aishyqtaityn ashyq kitap, al onyń ústinde Qazaqstan kartasynyń kontýry fonynda «30» sany beinelengen. Qazaqstan kartasynyń dál ortasyna kúndi beineleitin shańyraq ornalasqan. «30» sanyn beineleý isinde altyn jalatý tehnologiiasy qoldanylǵan. Monetanyń ereksheligi de sonda.
Monetalar:
- altyn jalatylǵan 925 synamdy kúmisten jasalǵan. Massasy 31,1 gramm, diametri 38,61 mm, daiyndaý sapasy – «proof», nominaly 1 000 teńgelik, taralymy – 1 000 (bir myń) dana;
Nominaly 1 000 teńgelik monetanyń beinesi
- nibrass/neizilber qospalarynan (bikolorly) jasalǵan. Massasy 6,45 gramm, diametri 24,5 mm, daiyndaý sapasy – «uncirculated», nominaly 100 teńgelik, taralymy – 5 000 000 (bes million) dana.
Nominaly 100 teńgelik monetanyń beinesi
Nominaly 1 000 teńgelik kúmis monetalardyń QUB internet-dúkeni arqyly qashan satýǵa shyǵarylatyny QUB resmi saitynda qosymsha habarlanady.
Nominaly 100 teńgelik bikolorly monetalar tsirkýliatsiialyq monetalarmen birge Qazaqstan Respýblikasynyń aýmaǵynda erkin ainalymda bolady.
Kollektsiialyq monetalar Qazaqstan teńge saraiynda daiyndaldy.
Buǵan deiin saitymyzda "Bankter úshin eń tómen rezervtik talaptardy arttyrǵan Ulttyq bank infliatsiiany aýyzdyqtai ala ma?" degen maqala jariialanǵan bolatyn.
