Memlekettik múlik departamenti Perizat Qairatqa tiesili bolǵan taǵy bir avtokólikti satylymǵa shyǵardy. Alaiaqtyq isi aiasynda tárkilengen kólikterdiń kezekti loty saýda-sattyqqa qoiylyp otyr, dep habarlaidy dalanews.kz.
Astana qalasy boiynsha Memlekettik múlik jáne jekeshelendirý departamenti 2023 jyly shyǵarylǵan aq tústi Mercedes-Benz EQE 500 4Matic avtokóligin satý týraly habarlandyrý jariialady. Kóliktiń memlekettik nómiri – 111 KPK 01.
Baǵalaýshylar kóliktiń qunyn 26,2 mln teńge dep belgilegen. Alaida tehnikalyq tekserý barysynda avtokóliktiń birqatar bóliginde zaqym bar ekeni anyqtalǵan. Atap aitqanda, sol jaq esik, artqy kórinis ainasy, júrgizýshi jaǵyndaǵy áinek, qanat, bamper, tabaldyryq jáne sol jaq fara búlingen.
Lot boiynsha aýktsion 2026 jylǵy 9 shildede saǵat 10:00-de ótedi.
Saýda-sattyqqa qatysý quqyǵy tek quqyq qorǵaý jáne arnaiy memlekettik organdarǵa, sondai-aq Qazaqstan Respýblikasy Prezidentiniń, saiasi memlekettik qyzmetshilerdiń jáne Parlament depýtattarynyń qyzmetin qamtamasyz etetin memlekettik organdarǵa berilgen.
