Búgin Astanada Qazaqstan boks federatsiiasynyń jyldyq dástúrli jiyny ótti. Jiyn barysynda federatsiianyń jańa prezidenti bolyp Shahmurat Mútálip sailandy. Ol bul qyzmette Keńes Raqyshevti almastyrdy, dep jazady Dalanews.kz
Konferentsiianyń kezekti otyrysynda ótken jyl qorytyndylanyp, erler jáne áielder komandasy bas bapkerleriniń esebi tyńdaldy. QBF jańa basshysynyń sailaý otyrystyń sońǵy bóliginde ótti.
Jańa qyzmetinde alǵash ret sóz alǵan prezident QBF aldyndaǵy mindetterdi birlesip oryndaýdyń mańyzdylyǵyn atap ótti. Sondai-aq, ol ózine senim artqan Qaýymdastyq múshelerine alǵys bildirip, ortaq maqsatqa jetý jolynda óziniń bar kúshin salatynyn aitty.
«Maǵan júktelgen jaýapkershilikti sezine otyryp, Qazaqstan boksyn ári qarai damytýǵa, sportshylarymyzǵa jan-jaqty qoldaý kórsetip, olardyń múddesin qorǵaýǵa, QBF rolin el ishinde jáne halyqaralyq deńgeide arttyrýǵa bar kúshimdi salamyn.
Biyl ótetin mańyzdy dodalar qarsańynda komandanyń aldynda úlken bir maqsat tur. Óz tarapymyzdan daiyndyqqa qajetti barlyq jaǵdaidy jasaýdy jalǵastyra beremiz. Birlese eńbek etý arqyly otandyq bokstyń álemdik arenadaǵy bedelin nyǵaita túsemiz», - dedi QBF jańa basshysy.
