بٷگٸن استانادا قازاقستان بوكس فەدەراتسيياسىنىڭ جىلدىق دەستٷرلٸ جيىنى ٶتتٸ. جيىن بارىسىندا فەدەراتسييانىڭ جاڭا پرەزيدەنتٸ بولىپ شاحمۇرات مٷتەلٸپ سايلاندى. ول بۇل قىزمەتتە كەڭەس راقىشەۆتٸ الماستىردى, دەپ جازادى Dalanews.kz
كونفەرەنتسييانىڭ كەزەكتٸ وتىرىسىندا ٶتكەن جىل قورىتىندىلانىپ, ەرلەر جەنە ەيەلدەر كومانداسى باس باپكەرلەرٸنٸڭ ەسەبٸ تىڭدالدى. قبف جاڭا باسشىسىنىڭ سايلاۋ وتىرىستىڭ سوڭعى بٶلٸگٸندە ٶتتٸ.
جاڭا قىزمەتٸندە العاش رەت سٶز العان پرەزيدەنت قبف الدىنداعى مٸندەتتەردٸ بٸرلەسٸپ ورىنداۋدىڭ ماڭىزدىلىعىن اتاپ ٶتتٸ. سونداي-اق, ول ٶزٸنە سەنٸم ارتقان قاۋىمداستىق مٷشەلەرٸنە العىس بٸلدٸرٸپ, ورتاق ماقساتقا جەتۋ جولىندا ٶزٸنٸڭ بار كٷشٸن سالاتىنىن ايتتى.
«ماعان جٷكتەلگەن جاۋاپكەرشٸلٸكتٸ سەزٸنە وتىرىپ, قازاقستان بوكسىن ەرٸ قاراي دامىتۋعا, سپورتشىلارىمىزعا جان-جاقتى قولداۋ كٶرسەتٸپ, ولاردىڭ مٷددەسٸن قورعاۋعا, قبف رولٸن ەل ٸشٸندە جەنە حالىقارالىق دەڭگەيدە ارتتىرۋعا بار كٷشٸمدٸ سالامىن.
بيىل ٶتەتٸن ماڭىزدى دودالار قارساڭىندا كوماندانىڭ الدىندا ٷلكەن بٸر ماقسات تۇر. ٶز تاراپىمىزدان دايىندىققا قاجەتتٸ بارلىق جاعدايدى جاساۋدى جالعاستىرا بەرەمٸز. بٸرلەسە ەڭبەك ەتۋ ارقىلى وتاندىق بوكستىڭ ەلەمدٸك ارەناداعى بەدەلٸن نىعايتا تٷسەمٸز», - دەدٸ قبف جاڭا باسشىسى.
