Kaspii qubyr konsortsiýmynyń jumysy jáne munai óndirý kólemderine qatysty Qazaqstan Respýblikasy Energetika ministrligi málimdeme jasady, dep habarlaidy dalanews.kz.
Qazirgi ýaqytta QKK teńiz terminalynda Qara teńiz akvatoriiasyndaǵy kemelerdiń, ekipajdardyń jáne qorshaǵan ortanyń qaýipsizdigin qamtamasyz etý maqsatynda munai tieý operatsiialary ýaqytsha toqtatyldy. Bul rette konsortsiýmnyń barlyq óndiristik jáne tehnikalyq nysandary jaramdy jaǵdaida, shtattyq rejimde jumys istep tur jáne jaǵdai qalypqa kelgen boida shikizatty qaita tieýdi dereý bastaýǵa daiyn.
Qubyr júiesine munai qabyldaýǵa qoiylǵan shekteýlerge bailanysty jáne rezervýarlyq parkterdiń shamadan tys tolyp ketýine jol bermeý maqsatynda munai óndirýshi kompaniialar táýliktik óndirý kólemderine josparly túrde túzetý engizdi. Sonyń nátijesinde munai óndirý kólemi ýaqytsha tómendedi. Bul shara tehnologiialyq sipatqa ie jáne óndiristik protsesterdiń turaqtylyǵyn qamtamasyz etýge baǵyttalǵan.
Qazaqstan Respýblikasy Energetika ministrligi QKK basshylyǵymen, iri júk jóneltýshilermen, keme ielerimen jáne salalyq memlekettik organdarmen turaqty ózara is-qimyl júrgizip keledi. Qazirgi ýaqytta keme qatynasynyń qaýipsizdigin qamtamasyz etý jáne qazaqstandyq munai eksportyn álemdik naryqtarǵa turaqty túrde múmkindiginshe tezirek qalpyna keltirýge qajetti jaǵdailardy jasaý jóninde úzdiksiz konsýltatsiialar júrgizilýde.
Eske salaiyq, Qazaqstanda munai óndirý kólemi Kaspii qubyr konsortsiýmynyń (KQK) jumysyn ýaqytsha toqtatýyna bailanysty kúrt tómendegen bolatyn.
