2023 jyly tikelei sheteldik investitsiianyń jalpy aǵyny 23,4 mlrd AQSh dollaryn qurasa, bul 2022 jylǵy deńgeiden 16,9%-ǵa az, dep habarlaidy Dalanews.kz.
Bul týraly Qazaqstannyń 2029 jylǵa deiingi investitsiialyq tujyrymdamasynyń jobasynda jazylǵan. Qujat Ashyq NQA portalynda jariialandy.
"2023 jyly tikelei sheteldik investitsiia aǵynynyń tómendeýiniń basym úlesi taý-ken ónerkásibine tiesili. Bul, negizinen, munai baǵasynyń tómendeýine bailanysty qazaqstandyq kásiporyndardyń taza tabysynyń qysqarýymen, sondai-aq sheteldik investorlardyń úlesine tiesili dividendterdi tóleýmen túsindiriledi. Taý-ken ónerkásibine tikelei sheteldik investitsiia jalpy aǵyny bir jyl ishinde 30,3%-ǵa 8,4 mlrd AQSh dollaryna deiin tómendedi, bul rette tikelei sheteldik investitsiia taza aǵyny 2022 jylǵy 4,0 mlrd AQSh dollarynan 31,2 mln AQSh dollaryna deiin qysqardy", – delingen qujat jobasynda.
Metallýrgiia ónerkásibine salynǵan kapital salymdarynyń kólemi de tómendep keledi. Tikelei sheteldik investitsiianyń jalpy aǵyny 4,2-den 2,8 mlrd dollarǵa deiin tómendedi. 2022 jáne 2023 jyldary salaǵa tikelei sheteldik investitsiianyń taza aǵyny teris bolyp, tiisinshe - 534 jáne - 30 mln AQSh dollaryn qurady.
Biraq buǵan qaramastan, Qazaqstan shetelden investitsiia tartý kólemin ulǵaitýdy josparlap otyr. Ulttyq damý josparyna sáikes, 2029 jylǵa deiin 150 mlrd AQSh dollary sheteldik investitsiialardy tartý kózdelgen.
