2026 jyldyń basynan beri «Qazgidromet» aýa raiyn boljaý kezinde jasandy intellekt elementteri engizilgen tsifrlyq tehnologiialardy paidalanyp keledi. Bul týraly Úkimet otyrysynda Ekologiia jáne tabiǵi resýrstar ministri Álibek Qýantyrov málimdedi, dep habarlaidy dalanews.kz.
Ministrdiń aitýynsha, sinoptikter qazirgi tańda Weather Research and Forecasting (WRF) sandyq modelin qoldanady. Atalǵan júie aldaǵy 48 saǵatqa jáne 10 táýlikke deiingi merzimge aýa raiy boljamyn jasaýǵa múmkindik beredi.
Álibek Qýantyrovtyń sózinshe, 1 qańtardan bastap keńistiktik ajyratymdylyǵy 2 shaqyrym bolatyn model ál-Farabi atyndaǵy Qazaq ulttyq ýniversitetiniń sýperkompiýterlik ortalyǵynyń bazasynda jumys istep tur. Al 1 naýryzdan beri ajyratymdylyǵy 6 shaqyrym bolatyn boljamdar Astanadaǵy ulttyq sýperkompiýterdiń qýaty arqyly ázirlenýde.
Ministr jańa tehnologiialardy engizý agrometeorologiialyq jáne gidrologiialyq boljamdardyń dáldigin arttyrýǵa yqpal etip otyrǵanyn atap ótti.
«Bul sheshimder daýyldy eskertýlerdiń sapasyn jaqsartyp, memlekettik organdardy, uiymdar men halyqty tabiǵi qubylystar týraly der kezinde habardar etýge múmkindik beredi», – dedi Álibek Qýantyrov.
