Premer-ministr Oljas Bektenov ákimderge jylytý maýsymy boiynsha jumysty jedeldetýdi tapsyrdy, dep habarlaidy dalanews.kz.
Keibir oblystarda jylý berý maýsymy bastalýyna sanaýly kúnder qaldy.
"Ákimderge daiyndyq jumystaryn jedeldetýdi tapsyramyn. Birinshi kezekte áleýmettik nysandarǵa jylý berilýge tiis. Jylytý maýsymyn ýaqtyly, belgilengen merzimnen keshiktirmei bastaý qajet. Nysandardyń daiyndyq pasporttaryn alý úshin qujattardy tapsyrý aiaqtalyp qaldy. Erteń - sońǵy kún. Ákimder bul máseleni jeke baqylaýǵa alýy kerek", - dedi premer-ministr.
Energetika vitse-ministri Qaiyrhan Tutqyshbaev jylytý bes óńirde - Pavlodar, Aqmola, Soltústik Qazaqstan, Shyǵys Qazaqstan, Qostanai oblystarynda berilgenin, aptanyń sońyna deiin ortalyq, batys, shyǵys óńirlerde jylý iske qosylady dep josparlanyp otyrǵanyn jetkizdi.
Jylý jelileriniń jalpy daiyndyǵy - 99 paiyz. Jospar 82 paiyzǵa oryndalǵan Semei qalasy erekshe baqylaýda tur. Jumysty úilestirý premer-ministrdiń birinshi orynbasary Nurlybek Nálibaevqa júkteldi.
