Atyraý jáne Batys Qazaqstan oblystarynda dıjıtal maınerler men maınıńge kerek elektr energıasyn óndiretin elektrstansalaryna arnalǵan kóterme baǵasy 1 shildeden bastap 75 paıyzǵa kóteriledi. Sonyń ózinde satyp alýǵa eń qolaıly baǵa — batys aımaqtarda. Salystyrmaly túrde kóp óspese de, eń qymbat baǵa — Almatyda. 

Endi qosymsha qun salyǵyn qospaǵanda bir myń tekshe metrdiń shekti baǵasy Astanadaǵy tutynýshylarǵa 52 033 teńge bolady. Byltyr 43 361 teńge bolǵan edi. Almaty qalasy men Almaty jáne Jetisý oblystaryndaǵy maınerlerge respýblıka boıynsha eń qymbat baǵa bekitildi — 63 905 teńge. 

Kóterme baǵada alýǵa eń qolaıly baǵa Atyraý oblysynda (23 996 teńge), Aqtóbe oblysynda (34 333 teńge), Mańǵystaý oblysynda (32 942 teńge), Batys Qazaqstan oblysynda 31 637 teńge. Eń arzany Shyǵys Qazaqstan oblysynda — 10 891 teńge. 

Baǵa barlyq derlik aımaqta ósti. Biraq eń kóp ósim batys aımaqta bolyp otyr. Óıtkeni byltyrǵymen salystyrǵanda Atyraý jáne Batys Qazaqstan oblystarynda birden 75 paıyzǵa qymbattaıdy. Mańǵystaýdaǵy baǵa — 50 paıyzǵa, Shyǵys Qazaqstanda 20 paıyzǵa ósedi.