Úndistan qazaqstandyqtarǵa tegin týristik jáne meditsinalyq vizalar beredi, dep habarlaidy Dalanews.kz.
Úndistan úkimeti Qazaqstan azamattaryna tegin týristik, meditsinalyq jáne meditsinalyq súiemeldeý vizalaryn berý týraly sheshim qabyldady. Bul týraly Qazaqstan Syrtqy ister ministrliginiń baspasóz qyzmeti málimdedi.
Vedomstvo málimetinshe, qazaqstandyqtarǵa 30 kúnge deiin vizalar vizalyq tólemsiz rásimdeledi.
"Eki el arasyndaǵy bailanystardy odan ári nyǵaitý jáne halyqtar arasyndaǵy týristik almasýdy damytý maqsatynda Úndistan Respýblikasy Úkimeti Qazaqstan Respýblikasy azamattaryna 30 kúnge deiin tegin týristik, meditsinalyq jáne meditsinalyq súiemeldeý vizalaryn berý týraly sheshim qabyldady. Bul sheshim dereý kúshine enedi", – dep jazylǵan resmi habarlamada.
Sonymen qatar, Úndistan azamattary Qazaqstan aýmaǵynda 14 kúnge deiin vizasyz bola alady.
Qazaqstan azamattary Úndistan vizasyn eki jolmen rásimdei alady:
-
onlain e-Visa júiesi arqyly;
-
Úndistannyń Astana men Almatydaǵy diplomatiialyq ókildikterinde nemese sheteldegi elshilikteri arqyly qaǵaz formatta.
