ءۇندىستان قازاقستاندىقتارعا تەگىن تۋريستىك جانە مەديسينالىق ۆيزالار بەرەدى، دەپ حابارلايدى Dalanews.kz.
ءۇندىستان ۇكىمەتى قازاقستان ازاماتتارىنا تەگىن تۋريستىك، مەديسينالىق جانە مەديسينالىق سۇيەمەلدەۋ ۆيزالارىن بەرۋ تۋرالى شەشىم قابىلدادى. بۇل تۋرالى قازاقستان سىرتقى ىستەر مينيسترلىگىنىڭ باسپا ءسوز قىزمەتى مالىمدەدى.
ۆەدومستۆو مالىمەتىنشە، قازاقستاندىقتارعا 30 كۇنگە دەيىن ۆيزالار ۆيزالىق تولەمسىز راسىمدەلەدى.
"ەكى ەل اراسىنداعى بايلانىستاردى ودان ءارى نىعايتۋ جانە حالىقتار اراسىنداعى تۋريستىك الماسۋدى دامىتۋ ماقساتىندا ءۇندىستان رەسپۋبليكاسى ۇكىمەتى قازاقستان رەسپۋبليكاسى ازاماتتارىنا 30 كۇنگە دەيىن تەگىن تۋريستىك، مەديسينالىق جانە مەديسينالىق سۇيەمەلدەۋ ۆيزالارىن بەرۋ تۋرالى شەشىم قابىلدادى. بۇل شەشىم دەرەۋ كۇشىنە ەنەدى"، – دەپ جازىلعان رەسمي حابارلامادا.
سونىمەن قاتار، ءۇندىستان ازاماتتارى قازاقستان اۋماعىندا 14 كۇنگە دەيىن ۆيزاسىز بولا الادى.
قازاقستان ازاماتتارى ءۇندىستان ۆيزاسىن ەكى جولمەن راسىمدەي الادى:
-
ونلاين e-Visa جۇيەسى ارقىلى؛
-
ءۇندىستاننىڭ استانا مەن الماتىداعى ديپلوماتيالىق وكىلدىكتەرىندە نەمەسە شەتەلدەگى ەلشىلىكتەرى ارقىلى قاعاز فورماتتا.
