Senat halyqaralyq azamattyq aviatsiia týraly konventsiiaǵa engiziletin ózgeristerdi ratifikatsiialaý týraly zań jobasyn maquldady, dep habarlaidy Dala News.
Qujat IKAO konventsiiasynyń 50(a) jáne 56-baptaryna túzetýler engizýdi kózdeidi. Bul ózgerister kúshine enýi úshin uiymǵa múshe elderdiń keminde úshten ekisi ratifikatsiialaýy qajet.
Qazirgi tańda hattamalardy 121-den astam memleket qoldaǵan. Zańǵa Prezident qol qoiǵan jaǵdaida, Qazaqstan Ortalyq Aziiada bul ózgeristerdi ratifikatsiialaǵan alǵashqy el bolady.
Atalǵan sheshim Qazaqstannyń halyqaralyq aviatsiialyq mindettemelerge adaldyǵyn jáne Chikago konventsiiasynyń qaǵidattaryn qoldaitynyn kórsetedi.
