Qazaqstandyq avtobiznes qaýymdastyǵynyń vitse-prezidenti Anar Maqasheva Premer-ministr Oljas Bektenovtiń tóraǵalyǵymen ótken Úkimet otyrysynda respýblikada avtokomponentter óndirisin bir jolǵa qoiý boiynsha júrgizilip jatqan jumystar týraly baiandady, dep habarlaidy Dalanews.kz.
Onyń aitýynsha, qazir avtomobil komponentterin óndirý boiynsha 10 joba qolǵa alynǵan, olardyń keibireýleri iske qosyldy.
"Nátijesinde bul importtyq jetkizilimderge táýeldiliktiń ishinara tómendeýi, óndiristik úderisterdiń turaqtylyǵy, shyǵarylatyn ónim qunynyń tómendeýi, jumys oryndaryn ashý", — dep atap ótti Anar Maqasheva.
Atalǵan málimetterge sáikes, Qostanai jáne Almaty qalalaryndaǵy óndiristik alańdarda kólik quraldary men avtokomponentter óndirýshileri arasynda ónerkásiptik kooperatsiia jolǵa qoiylǵan.
"Jumys istep turǵan kásiporyndardyń ainalasynda shaǵyn jáne orta biznes beldeýin qurý arqyly klasterlik ádisti qoldaný usynylady. Iaǵni, eger Qazaqstanda osyndai komponenttiń óndirisi qurylǵan bolsa, onda barlyq avtoóndirýshiler osy jetkizýshiden satyp alady. Bul artyq, qaitalaý óndiriske jol bermeidi ári osy saladaǵy kóptegen jobany damytýǵa múmkindik beredi", dep túsindirdi Anar Maqasheva.
Aita ketsek, buǵan deiin Ónerkásip jáne qurylys ministri biyl Qazaqstanda 82 myńnan asa jeńil kólik qurastyrylyp shyǵarylǵanyn aitqan edi. Sondai-aq Qanat Sharlapaev Qazaqstan jyl sońyna deiin júk vagondary óndirisi kólemin tórt esege ulǵaitatynyn jetkizgen.
