قازاقستاندىق اۆتوبيزنەس قاۋىمداستىعىنىڭ ۆيسە-پرەزيدەنتى انار ماقاشيەۆا پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا رەسپۋبليكادا اۆتوكومپونەنتتەر ءوندىرىسىن ءبىر جولعا قويۋ بويىنشا جۇرگىزىلىپ جاتقان جۇمىستار تۋرالى باياندادى، دەپ حابارلايدى Dalanews.kz.
ونىڭ ايتۋىنشا، ءقازىر اۆتوموبيل كومپونەنتتەرىن ءوندىرۋ بويىنشا 10 جوبا قولعا الىنعان، ولاردىڭ كەيبىرەۋلەرى ىسكە قوسىلدى.
"ناتيجەسىندە بۇل يمپورتتىق جەتكىزىلىمدەرگە تاۋەلدىلىكتىڭ ءىشىنارا تومەندەۋى، وندىرىستىك ۇدەرىستەردىڭ تۇراقتىلىعى، شىعارىلاتىن ءونىم قۇنىنىڭ تومەندەۋى، جۇمىس ورىندارىن اشۋ"، — دەپ اتاپ ءوتتى انار ماقاشيەۆا.
اتالعان مالىمەتتەرگە سايكەس، قوستاناي جانە الماتى قالالارىنداعى وندىرىستىك الاڭداردا كولىك قۇرالدارى مەن اۆتوكومپونەنتتەر وندىرۋشىلەرى اراسىندا ونەركاسىپتىك كووپەراسيا جولعا قويىلعان.
"جۇمىس ىستەپ تۇرعان كاسىپورىنداردىڭ اينالاسىندا شاعىن جانە ورتا بيزنەس بەلدەۋىن قۇرۋ ارقىلى كلاستەرلىك ءادىستى قولدانۋ ۇسىنىلادى. ياعني، ەگەر قازاقستاندا وسىنداي كومپونەنتتىڭ ءوندىرىسى قۇرىلعان بولسا، وندا بارلىق اۆتووندىرۋشىلەر وسى جەتكىزۋشىدەن ساتىپ الادى. بۇل ارتىق، قايتالاۋ وندىرىسكە جول بەرمەيدى ءارى وسى سالاداعى كوپتەگەن جوبانى دامىتۋعا مۇمكىندىك بەرەدى"، دەپ ءتۇسىندىردى انار ماقاشيەۆا.
ايتا كەتسەك، بۇعان دەيىن ونەركاسىپ جانە قۇرىلىس ءمينيسترى بيىل قازاقستاندا 82 مىڭنان اسا جەڭىل كولىك قۇراستىرىلىپ شىعارىلعانىن ايتقان ەدى. سونداي-اق قانات شارلاپايەۆ قازاقستان جىل سوڭىنا دەيىن جۇك ۆاگوندارى ءوندىرىسى كولەمىن ءتورت ەسەگە ۇلعايتاتىنىن جەتكىزگەن.
