World Gold Council derekterine sáikes, 2024 jyldyń qorytyndysy boiynsha álemde 3,7 myń tonna altyn óndirilgen, bul - ótken jylmen salystyrǵanda 0,6%-ǵa ǵana artyq kólem. Onyń 10,4% nemese 380,2 tonnany quraityn Qytai altyn óndirisinde kósh bastap tur. Qazaqstan bolsa, 14-shi orynda, dep habarlaidy Dalanews.kz Energyprom.kz saityna silteme jasap.
Altyn óndirisi boiynsha álemdik ondyq qataryna mynalar kiredi:
- Qytai (380,2 tonna),
- Resei(330tonna),
- Avstraliia(284tonna),
- Kanada (202,1 tonna),
- AQSh(158tonna),
- Gana (140,6 tonna),
- Meksika(140,3tonna),
- Indoneziia(140,1tonna),
- Perý (136,9 tonna),
- Ózbekstan (129,1 tonna).
World Gold Council aqparaty boiynsha, óndiris kólemi 87 tonnany qamtityn Qazaqstan 14-orynda eken.
Bul arada atalǵan uiym altyn kenderiniń nemese jartylai fabrikattardyń massasy emes, tazartylǵan altynǵa múmkindiginshe jaqyn, óńdeýden keiingi metall týraly aityp otyr.
"Bir qyzyǵy,QR Ulttyq statistika biýrosynyń derekterine sáikes,2024 jyly Qazaqstanda World Gold Council sarapshylarynyń pikirine qaraǵanda tazartylǵan altyn aitarlyqtai az óndirilgen: nebári 72,1 tonna ( bir jyl burynǵyǵa qaraǵanda 1,5%-ǵa artyq). TMD memleketteri arasynda óndirilgen altyn kólemi boiynsha Qazaqstan úzdik ondyqqa engen Resei men Ózbekstanǵa jol berip, 23,6 tonna baǵaly metall shyǵarǵan Qyrǵyzstandy basyp ozady. TMD-nyń basqa elderine 14,2 tonna tiesili, bul 2023 jyldaǵy kórsetkishten 11,9%-ǵa nedáýir az.Qazaqstan men Qyrǵyzstanda,World Gold Council málimetterine sáikes, altyn óndirisi de tómendegen: tiisinshe 1,3% jáne 7,5%. Resei men Ózbekstanda,kerisinshe, óndiris kólemi sáikesinshe 2,6%jáne7,9% ósti", - deidi mamandar.
Degenmen, AQSh Geologiialyq qyzmeti Qazaqstandy 130 tonna óndirgen altyn kólemi boiynsha úzdik ondyqqa engizgen. Jalpy, osy vedomstvonyń málimetinshe, álemde 3,3 myń tonna altyn óndirilip, Qytai (380 tonna), Resei (310 tonna), Avstraliia (290 tonna), Kanada (200 tonna) jáne AQSh (160 tonna) aldyna jan salmai keledi.
Sonymen qatar, Qazaqstan siiaqty 130 tonnadan altyn óndirgen Meksika men Gana da eshkimnen qalys qalmaýda. Ózbekstan da úzdik ondyqqa kirdi, bul rettegi kólem - 120 tonna.
Bul arada AQSh Geologiialyq qyzmeti úkimetterdiń resmi esepteri negizinde derekter usynatynyn basa aita ketelik. Sonymen, Ulttyq statistikalyq biýrosynyń aqparatyna sáikes, óńdelmegen jáne jartylai óńdelgen altyn, sondai-aq untaq túrindegi altyn óndirisi kólemi Qazaqstanda 2024 jyly dál 130,3 tonnany qurady (AQSh Geologiialyq qyzmeti derekterdi dóńgelektep alatynyn eskergen jón). World Gold Council aqparatynan aiyrmashylyǵy, biz joǵaryda túsindirip ótkendei, altynnyń taza óńdelgen túrin sanaidy.
Ulttyq statistikalyq biýrosy aqparatyna sáikes, 2025 jyldyń qańtar–tamyz ailarynda elimizde 85,9 tonna óńdelmegen jáne jartylai óńdelgen altyn, sondai-aq altyn untaǵy túrindegi altyn óndirildi, bul ótken jyldyń sáikes kezeńimen salystyrǵanda 2,1%-ǵa az. Onyń ishinde tazartylǵan altynnyń úlesi - 48,2 tonna, bul ótken jylmen salystyrǵanda 2,5%-ǵa az. Sonymen qatar, altynnyń baǵasy tarihi rekordtardy jańartýdy jalǵastyrýda: 2025 jyldyń qyrkúiek aiynyń sońynda ol 3,9 myń dollarǵa jetti. 2025 jyldyń basynda altynnyń bir troia ýntsiiasynyń quny 2,6 myń dollardan sál asty, iaǵni bul arada qymbatshylyq 50%-ǵa jýyqtaidy. Oǵan jahandyq geosaiasi turaqsyzdyq, áskeri shyǵyndardyń ósýi jáne investorlardyń aqshasyn qorǵanys aktivterge qaita kóshirýi túrtki ekeni aitylady.
