“Rosatom” memlekettik korporatsiiasynyń basshysy Aleksei Lihachiov Qazaqstanda atom elektr stantsiiasyn (AES) salýǵa daiyn ekenin málimdedi. Bul týraly ol Máskeýde ótken “Bilim. Birinshi” atty aǵartý marafonynda aitty, dep habarlaidy Dalanews.kz.
“Qazir álemde atom energetikasyna qyzyǵýshylyq artty. Kóptegen el iadrolyq energiia klýbyna qosylǵysy keledi. Biz barlyǵymen jumys isteýge daiynbyz. Qazirgi tańda 20 memleketpen kelissózder júrgizilýde”, – dedi Lihachiov.
Onyń aitýynsha, aldaǵy ýaqytta AES qurylysyna kirisetin elderdiń qatarynda Qazaqstan, Ózbekstan, Qyrǵyzstan, Vetnam jáne bir eýropalyq memleket bar.
Qazaqstanda qazirgi tańda AES qurylysy boiynsha merdigerdi tańdaý protsesi júrip jatyr. Reaktor tehnologiiasyn jetkizýshilerdiń qysqa tizimine reseilik “Rosatom” korporatsiiasymen qatar koreialyq KHNP, frantsýzdyq EDF jáne qytailyq CNNC kompaniialary kirgen. Buǵan deiin energetika ministrligi stantsiia qurylysy halyqaralyq konsortsiým arqyly júzege asyrylýy múmkin ekenin habarlaǵan.
