"Qazaqmys" korporatsiiasy beibit ereýilge shyqqan kenshilermen júrgizgen kelissóz barysynda jalaqyny eki ese kóterý múmkin emes ekenin málimdedi, dep habarlaidy Dalanews.kz.
“Jalaqyny 100%-ǵa kóterý múmkin emes. Birinshiden, bul Qazaqstandaǵy búkil ónerkásiptiń toqtaýyna ákeledi. Búginde elimizde mundai deńgeidegi jalaqy eshbir jerde joq. Ekinshiden, bul el ekonomikasyna úlken soqqy bolady. Barlyǵyńyz bilesizder, korporatsiia jalaqyny kóterse, birden azyq-túlik, janarmai baǵalary ósip, ol áleýmettik turǵydan osal toptarǵa aýyr tiedi. Sizderdiń jumysty toqtatý týraly sheshimderińiz biz úshin túsiniksiz”, – dedi jumys berýshi taraptyń ókili.
Ol jalaqy tek infliatsiia deńgeiine sáikes indeksteletinin aitty.
“Úkimet infliatsiiany qandai paiyzben jariialasa, korporatsiia sol paiyzǵa sáikes jalaqyny indeksteidi. Qazirgi boljam boiynsha, bul kórsetkish 8,5% bolýy múmkin”, – dedi kompaniia ókili.
Alaida shahterler óz talaptary oryndalmaiynsha jumystaryna qaita kirispeitinderin málimdedi. KazTAG redaktsiiasyna shahta ishinde ótken kelissózder barysynan video joldandy.
“Biz tek ózimizdiń adal eńbegimiz úshin laiyq aqy surap otyrmyz. Bastamashyl topqa qysym jasalmasyn. Biz kóp nárse talap etpeimiz, tek jalaqyny 100%-ǵa kóterýdi suraimyz. 500-600 myń teńge shahter úshin kóp aqsha dep oilaisyzdar ma?”, – dedi shahterlerdiń biri kelissóz barysynda.
Jumys berýshi tarap jaǵdaidy baqylaý úshin jergilikti bilik pen quqyq qorǵaý organdarymen birlese jumys isteitinderin jetkizdi.
“Bul máseleni zań aiasynda sheshýge tyrysamyz. Biraq zań buzýshylyqqa jol berilmeidi. Eger zańsyz áreket bolsa, onyń saldary ózderińizge bailanysty”, – dedi kompaniia ókili.
Videoda ereýilshiler bastamashyl toptyń qalai qurylǵany týraly suraqtar qoiyp, túsinikteme beredi. Olardyń aitýynsha, bul top shahterlerdiń aldyńǵy jinalysynan keiin korporatsiia basshylyǵynyń usynysy boiynsha qurylǵan. Sondai-aq, ereýilshiler quqyq qorǵaý organdary tarapynan qysym jasalyp jatqanyn jetkizdi.
Shahta syrtynda túsirilgen taǵy bir videoda jumysshylar taramaityndaryn, alaida beibit kelissózderge daiyn ekenin bildirdi.
“Jigitter, tártip buzbai, barynsha tynyshtyqty saqtaýǵa tyrysaiyq”, – dep ótindi jumys berýshi taraptyń ókili.
Eske salaiyq, 17 jeltoqsanda Ulytaý oblysynda"Qazaqmys korporatsiiasynyń"("Jezqazǵantústimet") filialy - "OńtústikQazaqstan" kenishiniń № 65 shahtasyndaereýil boldy. 250-den astam kenshi jerastyna túsýden bas tartty. Olar jalaqylaryn kóterý jáne eńbekjaǵdailaryn jaqsartýdy talap etti. Búgin, 18 jeltoqsanda kompaniianyń baspasóz qyzmeti atalǵan jaitqa qatysty túsinikteme berdi.
Kompaniia baspasóz qyzmetiniń habarlaýynsha, "2024 jylǵy 17 jeltoqsanda "Qazaqmys korporatsiiasy" JShS "Jezqazǵantústimet" ÓB quramyna kiretin Ońtústik Jezqazǵan kenishi men Jylandy kenishiniń qyzmetkerleri ujymdyq talaptar bildirgen. Ońtústik Jezqazǵan kenishinde jumysshylar jalaqyny eki esege arttyrý jáne t. b. máselelerin atap ótti. Qyzmetkerlermen "Qazaqmys korporatsiiasy" JShS Bas direktory jáne kásipodaq uiymdarynyń ókilderi túsindirý jumystaryn júrgizdi. Kezdesý barysynda olar "Jezqazǵantsvetmet" ÓB-daǵy eń tómengi jalaqy 363 000 teńgeni (MJMB úi-jailaryn jinaýshy), medianalyq jalaqy 650 000 teńgeni, al Ulytaý oblysy boiynsha medianalyq jalaqy 404 105 teńgeni, al jalpy Qazaqstan boiynsha eki ese az jáne 285 677 teńgeni quraitynyn atap ótti".
"Qazaqmys Korporatsiiasy" buǵan deiin 2025 jylǵy qańtardan bastap jalaqynyń ósýin jariialaǵan bolatyn. Indeksteý 2024 jyly Ulttyq statistika biýrosy resmi túrde belgilegen infliatsiia deńgeiine júrgiziledi. Jalaqyny 8,5%-ǵa arttyrǵan kezde korporatsiia boiynsha ortasha jalaqy 822 000 teńgege deiin (2024 jyly — 730 431 teńge), al jerasty jumysshylary úshin — 1 303 000 teńgege deiin (2024 jyly — 1 202 000 teńge) ósedi", delingen kompaniia habarlamasynda.
"Qazaqmys korporatsiiasy" 2020 jyldan bastap jyl saiyn jalaqyny kóterip keledi. Osy kezeńde jalaqynyń ortasha deńgeii 151%-ǵa – 2020 jylǵy 326 196 teńgeden 2025 jylǵa arnalǵan aǵymdaǵy boljamdarǵa deiin kóterildi. Bul 2,5 esege ósýge sáikes keledi.
Kompaniia jalaqynyń odan ári kúrt ósýi kompaniia shahtalarynyń rentabeldiligine qaýip tóndirýi múmkin ekenin naqtylaidy. Jalaqyny kóterýden basqa, 2025 jyldan bastap 2025-2029 jyldarǵa arnalǵan jańa Ujymdyq shart kúshine enedi. Shart sheńberinde:
- materialdyq kómek pen ótemaqy mólsherin ulǵaitý;
- damý erekshelikteri bar balalardyń ata-analaryna qosymsha jeńildikter;
- balalar demalysy baǵdarlamalaryn keńeitý;
- barlyq qyzmetkerlerdi erikti meditsinalyq saqtandyrýmen qamtý.
Kompaniia óz jumyskerleri úshin eńbekti jaqsartýdan basqa, Sátbaev pen Jezqazǵan qalalaryna qomaqty investitsiialar júrgizýde, osylaisha 2023-2024 jyldar aralyǵynda óńirdiń 10-nan astam obektisine 30 mlrd teńgeden astam investitsiia salyndy.
