"قازاقمىس" كورپوراتسيياسى بەيبٸت ەرەۋٸلگە شىققان كەنشٸلەرمەن جٷرگٸزگەن كەلٸسسٶز بارىسىندا جالاقىنى ەكٸ ەسە كٶتەرۋ مٷمكٸن ەمەس ەكەنٸن مەلٸمدەدٸ, دەپ حابارلايدى Dalanews.kz.
“جالاقىنى 100%-عا كٶتەرۋ مٷمكٸن ەمەس. بٸرٸنشٸدەن, بۇل قازاقستانداعى بٷكٸل ٶنەركەسٸپتٸڭ توقتاۋىنا ەكەلەدٸ. بٷگٸندە ەلٸمٸزدە مۇنداي دەڭگەيدەگٸ جالاقى ەشبٸر جەردە جوق. ەكٸنشٸدەن, بۇل ەل ەكونوميكاسىنا ٷلكەن سوققى بولادى. بارلىعىڭىز بٸلەسٸزدەر, كورپوراتسييا جالاقىنى كٶتەرسە, بٸردەن ازىق-تٷلٸك, جانارماي باعالارى ٶسٸپ, ول ەلەۋمەتتٸك تۇرعىدان وسال توپتارعا اۋىر تيەدٸ. سٸزدەردٸڭ جۇمىستى توقتاتۋ تۋرالى شەشٸمدەرٸڭٸز بٸز ٷشٸن تٷسٸنٸكسٸز”, – دەدٸ جۇمىس بەرۋشٸ تاراپتىڭ ٶكٸلٸ.
ول جالاقى تەك ينفلياتسييا دەڭگەيٸنە سەيكەس يندەكستەلەتٸنٸن ايتتى.
“ٷكٸمەت ينفلياتسييانى قانداي پايىزبەن جارييالاسا, كورپوراتسييا سول پايىزعا سەيكەس جالاقىنى يندەكستەيدٸ. قازٸرگٸ بولجام بويىنشا, بۇل كٶرسەتكٸش 8,5% بولۋى مٷمكٸن”, – دەدٸ كومپانييا ٶكٸلٸ.
الايدا شاحتەرلەر ٶز تالاپتارى ورىندالمايىنشا جۇمىستارىنا قايتا كٸرٸسپەيتٸندەرٸن مەلٸمدەدٸ. KazTAG رەداكتسيياسىنا شاحتا ٸشٸندە ٶتكەن كەلٸسسٶزدەر بارىسىنان ۆيدەو جولداندى.
“بٸز تەك ٶزٸمٸزدٸڭ ادال ەڭبەگٸمٸز ٷشٸن لايىق اقى سۇراپ وتىرمىز. باستاماشىل توپقا قىسىم جاسالماسىن. بٸز كٶپ نەرسە تالاپ ەتپەيمٸز, تەك جالاقىنى 100%-عا كٶتەرۋدٸ سۇرايمىز. 500-600 مىڭ تەڭگە شاحتەر ٷشٸن كٶپ اقشا دەپ ويلايسىزدار ما?”, – دەدٸ شاحتەرلەردٸڭ بٸرٸ كەلٸسسٶز بارىسىندا.
جۇمىس بەرۋشٸ تاراپ جاعدايدى باقىلاۋ ٷشٸن جەرگٸلٸكتٸ بيلٸك پەن قۇقىق قورعاۋ ورگاندارىمەن بٸرلەسە جۇمىس ٸستەيتٸندەرٸن جەتكٸزدٸ.
“بۇل مەسەلەنٸ زاڭ اياسىندا شەشۋگە تىرىسامىز. بٸراق زاڭ بۇزۋشىلىققا جول بەرٸلمەيدٸ. ەگەر زاڭسىز ەرەكەت بولسا, ونىڭ سالدارى ٶزدەرٸڭٸزگە بايلانىستى”, – دەدٸ كومپانييا ٶكٸلٸ.
ۆيدەودا ەرەۋٸلشٸلەر باستاماشىل توپتىڭ قالاي قۇرىلعانى تۋرالى سۇراقتار قويىپ, تٷسٸنٸكتەمە بەرەدٸ. ولاردىڭ ايتۋىنشا, بۇل توپ شاحتەرلەردٸڭ الدىڭعى جينالىسىنان كەيٸن كورپوراتسييا باسشىلىعىنىڭ ۇسىنىسى بويىنشا قۇرىلعان. سونداي-اق, ەرەۋٸلشٸلەر قۇقىق قورعاۋ ورگاندارى تاراپىنان قىسىم جاسالىپ جاتقانىن جەتكٸزدٸ.
شاحتا سىرتىندا تٷسٸرٸلگەن تاعى بٸر ۆيدەودا جۇمىسشىلار تارامايتىندارىن, الايدا بەيبٸت كەلٸسسٶزدەرگە دايىن ەكەنٸن بٸلدٸردٸ.
“جٸگٸتتەر, تەرتٸپ بۇزباي, بارىنشا تىنىشتىقتى ساقتاۋعا تىرىسايىق”, – دەپ ٶتٸندٸ جۇمىس بەرۋشٸ تاراپتىڭ ٶكٸلٸ.
ەسكە سالايىق, 17 جەلتوقساندا ۇلىتاۋ وبلىسىندا"قازاقمىس كورپوراتسيياسىنىڭ"("جەزقازعانتٷستٸمەت") فيليالى - "وڭتٷستٸكقازاقستان" كەنٸشٸنٸڭ № 65 شاحتاسىنداەرەۋٸل بولدى. 250-دەن استام كەنشٸ جەراستىنا تٷسۋدەن باس تارتتى. ولار جالاقىلارىن كٶتەرۋ جەنە ەڭبەكجاعدايلارىن جاقسارتۋدى تالاپ ەتتٸ. بٷگٸن, 18 جەلتوقساندا كومپانييانىڭ باسپاسٶز قىزمەتٸ اتالعان جايتقا قاتىستى تٷسٸنٸكتەمە بەردٸ.
كومپانييا باسپاسٶز قىزمەتٸنٸڭ حابارلاۋىنشا, "2024 جىلعى 17 جەلتوقساندا "قازاقمىس كورپوراتسيياسى" جشس "جەزقازعانتٷستٸمەت" ٶب قۇرامىنا كٸرەتٸن وڭتٷستٸك جەزقازعان كەنٸشٸ مەن جىلاندى كەنٸشٸنٸڭ قىزمەتكەرلەرٸ ۇجىمدىق تالاپتار بٸلدٸرگەن. وڭتٷستٸك جەزقازعان كەنٸشٸندە جۇمىسشىلار جالاقىنى ەكٸ ەسەگە ارتتىرۋ جەنە ت. ب. مەسەلەلەرٸن اتاپ ٶتتٸ. قىزمەتكەرلەرمەن "قازاقمىس كورپوراتسيياسى" جشس باس ديرەكتورى جەنە كەسٸپوداق ۇيىمدارىنىڭ ٶكٸلدەرٸ تٷسٸندٸرۋ جۇمىستارىن جٷرگٸزدٸ. كەزدەسۋ بارىسىندا ولار "جەزقازعانتسۆەتمەت" ٶب-داعى ەڭ تٶمەنگٸ جالاقى 363 000 تەڭگەنٸ (مجمب ٷي-جايلارىن جيناۋشى), مەديانالىق جالاقى 650 000 تەڭگەنٸ, ال ۇلىتاۋ وبلىسى بويىنشا مەديانالىق جالاقى 404 105 تەڭگەنٸ, ال جالپى قازاقستان بويىنشا ەكٸ ەسە از جەنە 285 677 تەڭگەنٸ قۇرايتىنىن اتاپ ٶتتٸ".
"قازاقمىس كورپوراتسيياسى" بۇعان دەيٸن 2025 جىلعى قاڭتاردان باستاپ جالاقىنىڭ ٶسۋٸن جارييالاعان بولاتىن. يندەكستەۋ 2024 جىلى ۇلتتىق ستاتيستيكا بيۋروسى رەسمي تٷردە بەلگٸلەگەن ينفلياتسييا دەڭگەيٸنە جٷرگٸزٸلەدٸ. جالاقىنى 8,5%-عا ارتتىرعان كەزدە كورپوراتسييا بويىنشا ورتاشا جالاقى 822 000 تەڭگەگە دەيٸن (2024 جىلى — 730 431 تەڭگە), ال جەراستى جۇمىسشىلارى ٷشٸن — 1 303 000 تەڭگەگە دەيٸن (2024 جىلى — 1 202 000 تەڭگە) ٶسەدٸ", دەلٸنگەن كومپانييا حابارلاماسىندا.
"قازاقمىس كورپوراتسيياسى" 2020 جىلدان باستاپ جىل سايىن جالاقىنى كٶتەرٸپ كەلەدٸ. وسى كەزەڭدە جالاقىنىڭ ورتاشا دەڭگەيٸ 151%-عا – 2020 جىلعى 326 196 تەڭگەدەن 2025 جىلعا ارنالعان اعىمداعى بولجامدارعا دەيٸن كٶتەرٸلدٸ. بۇل 2,5 ەسەگە ٶسۋگە سەيكەس كەلەدٸ.
كومپانييا جالاقىنىڭ ودان ەرٸ كٷرت ٶسۋٸ كومپانييا شاحتالارىنىڭ رەنتابەلدٸلٸگٸنە قاۋٸپ تٶندٸرۋٸ مٷمكٸن ەكەنٸن ناقتىلايدى. جالاقىنى كٶتەرۋدەن باسقا, 2025 جىلدان باستاپ 2025-2029 جىلدارعا ارنالعان جاڭا ۇجىمدىق شارت كٷشٸنە ەنەدٸ. شارت شەڭبەرٸندە:
- ماتەريالدىق كٶمەك پەن ٶتەماقى مٶلشەرٸن ۇلعايتۋ;
- دامۋ ەرەكشەلٸكتەرٸ بار بالالاردىڭ اتا-انالارىنا قوسىمشا جەڭٸلدٸكتەر;
- بالالار دەمالىسى باعدارلامالارىن كەڭەيتۋ;
- بارلىق قىزمەتكەرلەردٸ ەرٸكتٸ مەديتسينالىق ساقتاندىرۋمەن قامتۋ.
كومپانييا ٶز جۇمىسكەرلەرٸ ٷشٸن ەڭبەكتٸ جاقسارتۋدان باسقا, سەتباەۆ پەن جەزقازعان قالالارىنا قوماقتى ينۆەستيتسييالار جٷرگٸزۋدە, وسىلايشا 2023-2024 جىلدار ارالىعىندا ٶڭٸردٸڭ 10-نان استام وبەكتٸسٸنە 30 ملرد تەڭگەدەن استام ينۆەستيتسييا سالىندى.
