«QazaqGaz» UK» AQ Basqarma Tóraǵasynyń birinshi orynbasary bolyp mınıstrlikterde, memlekettik qarjy uıymdarynda jáne vedomstvolarda eleýli jumys tájirıbesi bar Erlan Muqaı taǵaıyndaldy.
Qazaqstan Respýblıkasynyń Qarjy mınıstrliginde, kvazımemlekettik sektorda, sondaı-aq halyqaralyq munaı-gaz kompanıalarynda jumys isteı otyryp, qarjy jáne marketıń máselelerinde ınovasıalyq ádister men jańa tásilderdi qoldandy.
Shell halyqaralyq kompanıasynda (Gaaga q., Nıderlandy) qarjy dırektory laýazymyn, «QazMunaıGaz» UK» AQ Basqarma Tóraǵasynyń ekonomıka jáne qarjy jónindegi orynbasary, basqa kvazımemlekettik jáne jeke kompanıalardaǵy basshylyq laýazymdardy atqardy.
«QazaqGaz» UK» AQ Basqarma Tóraǵasynyń óndiris jáne marketıń jónindegi orynbasary bolyp Meıirbek Ihsanov taǵaıyndaldy.
Onyń halyqaralyq kompanıalarda óndiristik jáne basqarýshylyq tájirıbesi bar, 9 elde iri jobalardy iske asyrýǵa qatysty. Taǵaıyndalǵanǵa deıin Kýveıt, Katar, Mysyr, Reseı sondaı-aq Taıaý Shyǵys pen Orta Azıadaǵy «Schlumberger» halyqaralyq kompanıasynyń halyqaralyq kompanıasynyń jańa tehnologıalar marketıńi jáne satý jónindegi óńirlik dırektory bolyp jumys istedi. «Schlumberger» kompanıasynyń bas ofısinde (Parıj q., Fransıa) Management Development tolyq baǵdarlamasynyn ótti.
«QazaqGaz» UK» AQ Basqarma Tóraǵasynyń ekonomıka jáne qarjy jónindegi orynbasary bolyp Aqan Aıdyn Muhıtuly taǵaıyndaldy. Onyń «QazMunaıGaz» UK» AQ, «Qazatomónerkásip» UAK» AQ jáne t.b. ulttyq kompanıalarda aıtarlyqtaı jumys tájirıbesi bar, onda óndiristik kásiporyndardyń qarjy-ekonomıkalyq blogyn basqarýǵa belsendi qatysqan. «Qarjy matematıkasy» mamandyǵy boıynsha King's College London-nan magıstr dárejesine ıe, sondaı-aq University of Wales Institute-ten MBA dárejesine ıe.
«QazaqGaz» UK» AQ Basqarma Tóraǵasynyń strategıa jáne bıznesti damytý jónindegi orynbasary laýazymyna QR gaz tasymaldaý salasynda 20 jyl jumys ótili bar Arman Ǵınaıatuly Qasenov taǵaıyndaldy. Ár jyldary «QazTransGaz» AQ kompanıalar tobynda basshylyq qyzmetterdi atqardy, atap aıtqanda «QazTransGaz Ónimderi» JSHS-ni basqardy, «QazTransGaz» AQ Bas dırektorynyń orynbasary boldy, qarjy, marketıń jáne korporatıvtik damý máselelerine jetekshilik etti. Ekonomıka ǵylymdarynyń kandıdaty ǵylymı dárejesi bar.
Engizilgen ózgeristerdi eskere otyryp, «QazaqGaz» UK» AQ Basqarmasy bes adamnan turady: Basqarma Tóraǵasy Jarkeshov S.S.; Basqarma músheleri - Muqaı E.B., Ihsanov M.Ý., Aqan A.M., Qasenov A.Ǵ.
«QazaqGaz» UK» AQ-da Basqarma ulttyq kompanıanyń aǵymdaǵy qyzmetine basshylyqty júzege asyratyn alqaly atqarýshy organ bolyp tabylady, sondaı-aq aksıoner men Dırektorlar keńesi qabyldaǵan sheshimderdiń oryndalýyn qamtamasyz etedi.
Budan buryn qabyldanǵan sheshimge sáıkes «QazaqGaz» UK» AQ Basqarma músheleri Rýstam Sýleımanov, Taıyr Januzaq, Bekzat Abaıyldanov, Rýslan Abdýllın, Azamat Maıtıevtiń ókilettikteri merziminen buryn toqtatyldy.
