«QazaqGaz» ۇك» اق باسقارما ءتوراعاسىنىڭ ءبىرىنشى ورىنباسارى بولىپ مينيسترلىكتەردە، مەملەكەتتىك قارجى ۇيىمدارىندا جانە ۆەدومستۆولاردا ەلەۋلى جۇمىس تاجىريبەسى بار ەرلان مۇقاي تاعايىندالدى.
قازاقستان رەسپۋبليكاسىنىڭ قارجى مينيسترلىگىندە، كۆازيمەملەكەتتىك سەكتوردا، سونداي-اق حالىقارالىق مۇناي-گاز كومپانيالارىندا جۇمىس ىستەي وتىرىپ، قارجى جانە ماركەتينگ ماسەلەلەرىندە يننوۆاسيالىق ادىستەر مەن جاڭا تاسىلدەردى قولداندى.
Shell حالىقارالىق كومپانياسىندا (گااگا ق.، نيدەرلاندى) قارجى ديرەكتورى لاۋازىمىن، «قازمۇنايگاز» ۇك» اق باسقارما ءتوراعاسىنىڭ ەكونوميكا جانە قارجى جونىندەگى ورىنباسارى، باسقا كۆازيمەملەكەتتىك جانە جەكە كومپانيالارداعى باسشىلىق لاۋازىمداردى اتقاردى.
«QazaqGaz» ۇك» اق باسقارما ءتوراعاسىنىڭ ءوندىرىس جانە ماركەتينگ جونىندەگى ورىنباسارى بولىپ مەيىربەك يحسانوۆ تاعايىندالدى.
ونىڭ حالىقارالىق كومپانيالاردا وندىرىستىك جانە باسقارۋشىلىق تاجىريبەسى بار، 9 ەلدە ءىرى جوبالاردى ىسكە اسىرۋعا قاتىستى. تاعايىندالعانعا دەيىن كۋۆەيت، كاتار، مىسىر، رەسەي سونداي-اق تاياۋ شىعىس پەن ورتا ازياداعى «Schlumberger» حالىقارالىق كومپانياسىنىڭ حالىقارالىق كومپانياسىنىڭ جاڭا تەحنولوگيالار ماركەتينگى جانە ساتۋ جونىندەگى وڭىرلىك ديرەكتورى بولىپ جۇمىس ىستەدى. «Schlumberger» كومپانياسىنىڭ باس وفيسىندە (پاريج ق.، فرانسيا) Management Development تولىق باعدارلاماسىنىن ءوتتى.
«QazaqGaz» ۇك» اق باسقارما ءتوراعاسىنىڭ ەكونوميكا جانە قارجى جونىندەگى ورىنباسارى بولىپ اقان ايدىن مۇحيت ۇلى تاعايىندالدى. ونىڭ «قازمۇنايگاز» ۇك» اق، «قازاتومونەركاسىپ» ۇاك» اق جانە ت.ب. ۇلتتىق كومپانيالاردا ايتارلىقتاي جۇمىس تاجىريبەسى بار، وندا وندىرىستىك كاسىپورىنداردىڭ قارجى-ەكونوميكالىق بلوگىن باسقارۋعا بەلسەندى قاتىسقان. «قارجى ماتەماتيكاسى» ماماندىعى بويىنشا King's College London-نان ماگيستر دارەجەسىنە يە، سونداي-اق University of Wales Institute-تەن MBA دارەجەسىنە يە.
«QazaqGaz» ۇك» اق باسقارما ءتوراعاسىنىڭ ستراتەگيا جانە بيزنەستى دامىتۋ جونىندەگى ورىنباسارى لاۋازىمىنا ق ر گاز تاسىمالداۋ سالاسىندا 20 جىل جۇمىس ءوتىلى بار ارمان عينايات ۇلى قاسەنوۆ تاعايىندالدى. ءار جىلدارى «قازترانسگاز» اق كومپانيالار توبىندا باسشىلىق قىزمەتتەردى اتقاردى، اتاپ ايتقاندا «قازترانسگاز ونىمدەرى» ءجشس-نى باسقاردى، «قازترانسگاز» اق باس ديرەكتورىنىڭ ورىنباسارى بولدى، قارجى، ماركەتينگ جانە كورپوراتيۆتىك دامۋ ماسەلەلەرىنە جەتەكشىلىك ەتتى. ەكونوميكا عىلىمدارىنىڭ كانديداتى عىلىمي دارەجەسى بار.
ەنگىزىلگەن وزگەرىستەردى ەسكەرە وتىرىپ، «QazaqGaz» ۇك» اق باسقارماسى بەس ادامنان تۇرادى: باسقارما ءتوراعاسى جاركەشوۆ س.س.؛ باسقارما مۇشەلەرى - مۇقاي ە.ب.، يحسانوۆ م.ۋ.، اقان ا.م.، قاسەنوۆ ا.ع.
«QazaqGaz» ۇك» اق-دا باسقارما ۇلتتىق كومپانيانىڭ اعىمداعى قىزمەتىنە باسشىلىقتى جۇزەگە اسىراتىن القالى اتقارۋشى ورگان بولىپ تابىلادى، سونداي-اق اكسيونەر مەن ديرەكتورلار كەڭەسى قابىلداعان شەشىمدەردىڭ ورىندالۋىن قامتاماسىز ەتەدى.
بۇدان بۇرىن قابىلدانعان شەشىمگە سايكەس «QazaqGaz» ۇك» اق باسقارما مۇشەلەرى رۋستام سۋلەيمانوۆ، تايىر جانۇزاق، بەكزات ابايىلدانوۆ، رۋسلان ابدۋللين، ازامات مايتييەۆتىڭ وكىلەتتىكتەرى مەرزىمىنەن بۇرىن توقتاتىلدى.
