Facebook jelisinde paida bolǵan myna bir túbirshektiń berilgen ýaqyty degen jerde 24.08.2016 dep tur. Demek, onyń alynǵanyna — búginmen ekinshi kún. Ary qarai oqylyq. Odan keiingisi múlde túsiniksiz sózder.
Tek sońǵy eki sóilemnen birnárse ańǵarǵandai bolasyz: «Chekti siktińyz!», iaǵni chekti saqtańyz degisi kelgeni ǵoi, al rahmettiń ornynda „Shihmet„ degen sóz tur. Ony oqyǵanda, qolyńyzdaǵy chekke, quddy jan bitip, jyrqyldap, ózińizdi mazaq etip turǵandai áserde bolady ekensiz. Rasynda, bul mazaq emei, nemene?…
Qarjylyq áleýeti shekteýli shaǵyn bir firma bolsa, jaraidy, túrli deńgeide menedjer, marketing syndy jandaishaptary, túrli deńgeide qadaǵalaýshylary bar elimizdegi aldyńǵy qatardaǵy banktiń bulaisha qatelesýi múmkin be?.. Álde olar muny qasaqana jasap otyr ma?..
Tipti, bul basqa tilde shyǵar dep óz-ózimizdi aldaýqyratyp ta kórgimiz kelgen. Biraq bank chegindegi shatpaq múlde esh tilge jaqyndamaidy da. Aqyry, ashyqtan-ashyq qazaqtardy qorlaǵan, ózi jumys istep, aqsha taýyp otyrǵan memlekettiń ana tilin aiaq-asty etken bank bul jaitqa BAQ arqyly jaýap berýi kerek, al qoǵamda úlken daý týǵyzyp, kóptiń quqyǵyn taptap, ar-ojdanyna tigen bul máseleniń quzyrly oryndar anyq-qanyǵyn bilip, bankti jaýapqa tartady dep esepteimiz dep salyp edik.
Osy maqala jariialanǵan kúni keshkisin-aq bank bul máselege qysqa da nusqa jaýap qatty.
— Bul jaǵdaiǵa bailanysty keshirim suraimyz. Bank mamandary bul máseleni sheshý úshin jumys istep jatyr. Qate túzetiledi.
Tehnikalyq aqaýdyń sebebi anyqtalady, — depti Tengrinews.kz agenttigine túsinikteme bergen atalǵan banktiń ókili Erlan Sadyqov.
Biz óz kezegimizde memlekettik tildi qorlaýǵa qatysty bul fakti ózgelerge sabaq bolyp, endi mundai masqaraǵa eshbir mekeme, tipti, jeke tulǵa jol bermese eken dep tileimiz. Iá, biz memlekettik til mártebesiniń óz deńgeiinde saqtalýyn únemi qadaǵalap otyratyndyǵymyzdy barlyǵynyń esine sala ketkimiz keledi.
Eske salý demekshi, birer ai buryn, bizdiń media portalda „Sumdyq qoi mynaý! Almatydaǵy kóz aýrýlaryn zertteý institýty qazaqty masqara etýde„ degen ataýmen maqala jaryq kórdi. Ol kezde Almatydaǵy Qazaq kóz aýrýlary ǵylymi zertteý institýtynyń kúndizgi statsionary qabyrǵasynda ilingen stendtegi memlekettik rámizder týraly aqparatta órip júrgen qatelerdi áshkerelegen bolatynbyz.
Araǵa kóp ýaqyt salmai, mekeme atynan keshirim suraǵan institýt basshylyǵynan, atalǵan jaitty túzeý boiynsha jumystar júrgizip jatqandyǵy týraly hat alǵan edik.
Derekkóz: kaz.365info.kz
