Ol tyńdarmannyń tańdaýy bólek, talǵamy basqa dep sanaıdy. Aıtýynsha, qazaqtildi aýdıtorıaǵa arnalǵan ánder talap pen formatqa saı emes. Bul – meıramhana men kafede aıtylatyn ánder.
Sondaı-aq, onyń pikirinshe, bıznes pen ekonomıkaǵa qatysty qazaq tilinde kontent te qat.
– Sońǵy bes jylda bıznes pen ekonomıka týraly aqparatty senimdi ári durys jetkize alatyn bilikti kadrlardy taba almaı otyrmyz. Bul – óte aýqymdy másele. Orystildi keıipkerler men bıznes týraly ádebıetter bar, biraq qazaqtildi aýdıtorıa úshin is júzinde eshteńe joq», – degen oıyn ortaǵa saldy Maqsutov.
Budan bólek, radıo dırektory avtorlyq quqyq máselesin aınalyp ótpedi. «Avtorlyq quqyq boıynsha tólemderdi aı saıyn kompanıaǵa aýdaramyz. Biraq, olar aqshany shynymen avtorlarǵa jetkize me, bul jaǵy belgisiz. Bul ásirese sheteldik oryndaýshylarǵa qatysty. Sol Madonnanyń qazaqstandyq avtorlyq qoǵamnan aqsha alatyny óte qyzyq» dedi ol.
Jelide Maqsutovtyń sózine qatysty shý áli tolastamaı tur. Maqsutov «Tildi muqatty», «Bizdi keleke etip otyr» degen saryndaǵy pikirler jıi kezdesedi.
– Jalpy Táýelsizdiktiń otyz ekinshi jylynda mundaı sózderdiń aıtylýyna qalaı jol beremiz? Bul – jaı ǵana mazaq! Memlekettik tildiń tanymaldyǵy joǵary qarqynmen ósip kele jatqan elde mundaı jaǵdaılarǵa jol berýge bolmaıdy, – dep jazǵan Facebook qoldanýshysy Rýslan Túsipbek.
