ول تىڭدارماننىڭ تاڭداۋى بولەك، تالعامى باسقا دەپ سانايدى. ايتۋىنشا، ءقازاقتىلدى اۋديتورياعا ارنالعان اندەر تالاپ پەن فورماتقا ساي ەمەس. بۇل – مەيرامحانا مەن كافەدە ايتىلاتىن اندەر.
سونداي-اق، ونىڭ پىكىرىنشە، بيزنەس پەن ەكونوميكاعا قاتىستى قازاق تىلىندە كونتەنت تە قات.
– سوڭعى بەس جىلدا بيزنەس پەن ەكونوميكا تۋرالى اقپاراتتى سەنىمدى ءارى دۇرىس جەتكىزە الاتىن بىلىكتى كادرلاردى تابا الماي وتىرمىز. بۇل – وتە اۋقىمدى ماسەلە. ءورىستىلدى كەيىپكەرلەر مەن بيزنەس تۋرالى ادەبيەتتەر بار، ءبىراق ءقازاقتىلدى اۋديتوريا ءۇشىن ءىس جۇزىندە ەشتەڭە جوق»، – دەگەن ويىن ورتاعا سالدى ماقسۇتوۆ.
بۇدان بولەك، راديو ديرەكتورى اۆتورلىق قۇقىق ماسەلەسىن اينالىپ وتپەدى. «اۆتورلىق قۇقىق بويىنشا تولەمدەردى اي سايىن كومپانياعا اۋدارامىز. ءبىراق، ولار اقشانى شىنىمەن اۆتورلارعا جەتكىزە مە، بۇل جاعى بەلگىسىز. بۇل اسىرەسە شەتەلدىك ورىنداۋشىلارعا قاتىستى. سول مادوننانىڭ قازاقستاندىق اۆتورلىق قوعامنان اقشا الاتىنى وتە قىزىق» دەدى ول.
جەلىدە ماقسۇتوۆتىڭ سوزىنە قاتىستى شۋ ءالى تولاستاماي تۇر. ماقسۇتوۆ «ءتىلدى مۇقاتتى»، «ءبىزدى كەلەكە ەتىپ وتىر» دەگەن سارىنداعى پىكىرلەر ءجيى كەزدەسەدى.
– جالپى تاۋەلسىزدىكتىڭ وتىز ەكىنشى جىلىندا مۇنداي سوزدەردىڭ ايتىلۋىنا قالاي جول بەرەمىز؟ بۇل – جاي عانا مازاق! مەملەكەتتىك ءتىلدىڭ تانىمالدىعى جوعارى قارقىنمەن ءوسىپ كەلە جاتقان ەلدە مۇنداي جاعدايلارعا جول بەرۋگە بولمايدى، – دەپ جازعان Facebook قولدانۋشىسى رۋسلان تۇسىپبەك.
