Jolaýshy stiýardessamen arada bolǵan kikiljińdi videoǵa túsirip alǵan. Onda bort qyzmetkeri Oǵyz Doǵannan telefon kamerasyn óshirýdi resmi tilde suraidy. Alaida azamat óziniń jýrnalist ekenin, bolǵan jaitty halyqqa jetkizýge quqyly ekenin aitady. Óz kezeginde ushaq qyzmetkeri oǵan eskertý qaǵazyn usynyp, politsiia shaqyratynyn málimdeidi.
Budan keiin jolaýshy jelide tikelei efirge shyǵyp, bolǵan jaitty óz aýzymen aityp berdi.
– Qazaq qyz janyma kelip orysshalap birdeńe dedi. Men túsinbedim. Túsinbegenimdi ańǵaryp aǵylshynsha aitty. “Memlekettik tilde sóileńiz” dep edim, qazaq qyz minezin kórsetip ketip qaldy. Qazaqsha bilmeidi ǵoi deimin, maǵan unaǵan joq. Basqa qyzmetkerlerge de aittym. “Qaryndas” dep syilap sóilestim. Odan keiin orys jigit kelip oryssha, aǵylshynsha birdeńeler aitty. Men taǵy túsinbedim. Ol da ketip qaldy. Sosyn videodaǵy orys qyz keldi. Aiqailap birdeńelerdi aityp jatyr. Maǵan qazaq tilinde sóileńiz. Túrikshe surap turǵan joqpyn. Oǵan qaqym da joq. Maǵan men biletin qazaq tilinde aityńyz eskertýińiz bolsa" dedim. Ol qyz da minezin kórsetip, ketip qaldy, – dep túsindirdi azamat.
Alaida azamattyń shamyna tigen basty nárse bul emes. Aitýynsha, budan keiin Almaty áýjaiynda politsiia ony bir saǵat boiy ustap, artynsha 6800 teńge kóleminde aiyppul salǵan.
– Jaqsy, bul eshteńe emes. Biraq men olarǵa “Qazaq tilinde qyzmet alǵym kelgeni úshin 1 tiyn aiyppul salsańdar da uiat. Qansha salsańdar da mańyzdy emes" dedim. Ulttyq kompaniia bolsa, bul kisilerdiń basyndaǵy azamat orys pa, qazaq pa, maǵan báribir. Qazaqstanda memlekettik tildi qorlaǵany úshin, eń bastysy, osy orys qyzdy jaýapqa tartyp firmanyń ishinde, shara qoldaný kerek. Sol orys qyz menen emes, qazaq halqynan, ata-babamyzdan muratqa qalǵan qazaq tilinen keshirim suraýy kerek. Men sony talap etip otyrmyn. Maǵan basqa eshteńe kerek emes. Bul jeke Oǵyz Doǵannyń problemasy emes, qazaq tiliniń problemasy, – deidi jolaýshy.
Óz kezeginde Air Astana kompaniiasy atalǵan aqparatty joqqa shyǵardy. Facebook-te jariialanǵan postqa kompaniia bylai dep jaýap berdi:
“14 tamyzda KS 954 reisindegi jolaýshy qaýipsizdik sharalaryn oryndaýdan bas tartqany úshin JIIB-ge aiyppul tóleýge tartyldy. Ol ushaqtyń qoný kezinde ústelsheniń betin kóterýden bas tartty. Bul talaptyń oryndalmaýy jolaýshyǵa qaýip-qater týǵyzýy múmkin, sondyqtan ony oryndaý mindetti túrde talap etiledi. Áýe kompaniia bortserikteri jolaýshyǵa birneshe ret qazaq, orys jáne aǵylshyn tilderinde ústelsheniń betin kóterýin surady. Biraq jolaýshy ótinishti oryndamai, ózine sol kezde ushaqty otyrǵyzýǵa daiyndaý rásimderimen ainalysyp jatqan aǵa-bortseriktiń qyzmet etýin talap etti. “Eir Astana” áýe kompaniiasy qazaq tilin asa qurmetteidi. Qazaq tilin jetik bilý barlyq bortserikterge qoiylǵan bas talaptardyń birine jatady”, – deidi Air Astana ókili.
https://www.facebook.com/aman.qazaq/videos/1345251962260651/
https://dalanews.kz/23677
