جولاۋشى ستيۋاردەسسامەن ارادا بولعان كيكىلجىڭدى ۆيدەوعا ءتۇسىرىپ العان. وندا بورت قىزمەتكەرى وعىز دوعاننان تەلەفون كامەراسىن ءوشىرۋدى رەسمي تىلدە سۇرايدى. الايدا ازامات ءوزىنىڭ جۋرناليست ەكەنىن، بولعان جايتتى حالىققا جەتكىزۋگە قۇقىلى ەكەنىن ايتادى. ءوز كەزەگىندە ۇشاق قىزمەتكەرى وعان ەسكەرتۋ قاعازىن ۇسىنىپ، پوليسيا شاقىراتىنىن مالىمدەيدى.
بۇدان كەيىن جولاۋشى جەلىدە تىكەلەي ەفيرگە شىعىپ، بولعان جايتتى ءوز اۋزىمەن ايتىپ بەردى.
– قازاق قىز جانىما كەلىپ ورىسشالاپ بىردەڭە دەدى. مەن تۇسىنبەدىم. تۇسىنبەگەنىمدى اڭعارىپ اعىلشىنشا ايتتى. “مەملەكەتتىك تىلدە سويلەڭىز” دەپ ەدىم، قازاق قىز مىنەزىن كورسەتىپ كەتىپ قالدى. قازاقشا بىلمەيدى عوي دەيمىن، ماعان ۇناعان جوق. باسقا قىزمەتكەرلەرگە دە ايتتىم. “قارىنداس” دەپ سىيلاپ سويلەستىم. ودان كەيىن ورىس جىگىت كەلىپ ورىسشا، اعىلشىنشا بىردەڭەلەر ايتتى. مەن تاعى تۇسىنبەدىم. ول دا كەتىپ قالدى. سوسىن ۆيدەوداعى ورىس قىز كەلدى. ايقايلاپ بىردەڭەلەردى ايتىپ جاتىر. ماعان قازاق تىلىندە سويلەڭىز. تۇرىكشە سۇراپ تۇرعان جوقپىن. وعان قاقىم دا جوق. ماعان مەن بىلەتىن قازاق تىلىندە ايتىڭىز ەسكەرتۋىڭىز بولسا" دەدىم. ول قىز دا مىنەزىن كورسەتىپ، كەتىپ قالدى، – دەپ ءتۇسىندىردى ازامات.
الايدا ازاماتتىڭ شامىنا تيگەن باستى نارسە بۇل ەمەس. ايتۋىنشا، بۇدان كەيىن الماتى ءاۋجايىندا پوليسيا ونى ءبىر ساعات بويى ۇستاپ، ارتىنشا 6800 تەڭگە كولەمىندە ايىپپۇل سالعان.
– جاقسى، بۇل ەشتەڭە ەمەس. ءبىراق مەن ولارعا “قازاق تىلىندە قىزمەت العىم كەلگەنى ءۇشىن 1 تيىن ايىپپۇل سالساڭدار دا ۇيات. قانشا سالساڭدار دا ماڭىزدى ەمەس" دەدىم. ۇلتتىق كومپانيا بولسا، بۇل كىسىلەردىڭ باسىنداعى ازامات ورىس پا، قازاق پا، ماعان ءبارىبىر. قازاقستاندا مەملەكەتتىك ءتىلدى قورلاعانى ءۇشىن، ەڭ باستىسى، وسى ورىس قىزدى جاۋاپقا تارتىپ فيرمانىڭ ىشىندە، شارا قولدانۋ كەرەك. سول ورىس قىز مەنەن ەمەس، قازاق حالقىنان، اتا-بابامىزدان مۇراتقا قالعان قازاق تىلىنەن كەشىرىم سۇراۋى كەرەك. مەن سونى تالاپ ەتىپ وتىرمىن. ماعان باسقا ەشتەڭە كەرەك ەمەس. بۇل جەكە وعىز دوعاننىڭ پروبلەماسى ەمەس، قازاق ءتىلىنىڭ پروبلەماسى، – دەيدى جولاۋشى.
ءوز كەزەگىندە Air Astana كومپانياسى اتالعان اقپاراتتى جوققا شىعاردى. Facebook-تە جاريالانعان پوستقا كومپانيا بىلاي دەپ جاۋاپ بەردى:
“14 تامىزدا كس 954 رەيسىندەگى جولاۋشى قاۋىپسىزدىك شارالارىن ورىنداۋدان باس تارتقانى ءۇشىن جىىب-گە ايىپپۇل تولەۋگە تارتىلدى. ول ۇشاقتىڭ قونۋ كەزىندە ۇستەلشەنىڭ بەتىن كوتەرۋدەن باس تارتتى. بۇل تالاپتىڭ ورىندالماۋى جولاۋشىعا قاۋىپ-قاتەر تۋعىزۋى مۇمكىن، سوندىقتان ونى ورىنداۋ مىندەتتى تۇردە تالاپ ەتىلەدى. اۋە كومپانيا بورتسەرىكتەرى جولاۋشىعا بىرنەشە رەت قازاق، ورىس جانە اعىلشىن تىلدەرىندە ۇستەلشەنىڭ بەتىن كوتەرۋىن سۇرادى. ءبىراق جولاۋشى ءوتىنىشتى ورىنداماي، وزىنە سول كەزدە ۇشاقتى وتىرعىزۋعا دايىنداۋ راسىمدەرىمەن اينالىسىپ جاتقان اعا-بورتسەرىكتىڭ قىزمەت ەتۋىن تالاپ ەتتى. “ەير استانا” اۋە كومپانياسى قازاق ءتىلىن اسا قۇرمەتتەيدى. قازاق ءتىلىن جەتىك ءبىلۋ بارلىق بورتسەرىكتەرگە قويىلعان باس تالاپتاردىڭ بىرىنە جاتادى”، – دەيدى Air Astana وكىلى.
https://www.facebook.com/aman.qazaq/videos/1345251962260651/
https://dalanews.kz/23677
