Kaspii qubyr konsortsiýmy (KQK) Resei men Ýkrainanyń qorǵalatyn nysandarynyń tizimine endi, – dep habarlaidy Dalanews.kz.
Kelisim týraly ne belgili?
Kreml saity 25 naýryzda Resei men Ýkraina shabýyl jasamaýǵa kelisken energetikalyq nysandardyń tizimin jariialady. Qujatta naqty nysandar kórsetilmegenimen, bes sanattaǵy infraqurylym qorǵalatyny anyqtaldy.
Osylaisha eki el myna nysandarǵa soqqy jasamaýǵa ýaǵdalasty:
-
Munai óńdeý zaýyttary;
-
Munai jáne gaz qubyrlary, qoimalar, munai aidaý stantsiialary;
-
Elektr energiiasyn óndirý jáne taratý júieleri (elektr stantsiialary, jeliler, transformatorlar, taratý ortalyqtary);
-
Atom elektr stantsiialary;
-
Sý elektr stantsiialarynyń dambalary.
2025 jylǵy 18 naýryzda kúshine engen bul ýaqytsha moratorii 30 kúnge sozylady. Qajet bolǵan jaǵdaida merzimi uzartylýy múmkin. Eger taraptardyń biri sharttardy buzsa, ekinshisi óz mindettemelerinen bosatylady.
KQK týraly ne belgili?
Jyl basynan beri KQK júiesine kiretin birneshe nysan shabýylǵa ushyrady.
Kaspii qubyr jelisi konsortsiýmyndaǵy úlestiń 24%-yn Resei baqylap otyr. Qazaqstannyń atynan «QazMunaiGaz» 19% aktsiiaǵa ie. Sondai-aq, konsortsiým quramynda amerikalyq Chevron Caspian Pipeline Consortium Company (15%) jáne Mobil Caspian Pipeline Company (7,5%) bar.
Budan bólek, Reseilik «Lýkoil» 12,5%, Rosneft-Shell Caspian Ventures Limited (Resei men Ulybritaniia) 7,5% aktsiiaǵa ie.
