29 jastaǵy Ádilhan Qopabaev Apple kompanıasynda jetekshi qyzmetke taǵaıyndalǵan tuńǵysh qazaq atandy. Bul týraly sıfrlyq damý, ınovasıalar jáne aeroǵarysh ónerkásibi mınıstri Jaslan Mádıev málimdedi, dep habarlaıdy Dalanews.kz.
"Bizdiń otandasymyz, digital nomad Ádilhan Qopabaev Apple kompanıasynda jetekshi qyzmetke taǵaıyndalǵanyn habarlaýǵa qýanyshtymyn. Endi Ádilhan Ortalyq Azıa jáne Armenıa aımaǵyn qadaǵalaıtyn bolady. Bul jańa kezeń oǵan kóptegen jetistikter men kásibı ósý ákelsin", - dep jazdy mınıstr.
Aıta keteıik, Ádilhan Qopabaev Aqtóbeniń týmasy.
Ol 2017 jyly Ońtústik Koreıadaǵy Ýlsan ulttyq ǵylym jáne tehnologıalar ınstıtýtyn ınjener-ýrbanıst jáne tehnologıalyq menejment mamandyǵy boıynsha támamdaǵan.
UNIT Global UniStar stıpendıasynyń ıegeri. 2021 jyly Braýn ýnıversıtetin bitirgen. Rokfeller qorynyń stıpendıa ıegeri. Halyqaralyq konsaltıńtik jáne IT kompanıalarda jumys istegen.
