1998 jylǵy 20 qańtarda Prezidentimizdiń Jarlyǵymen 22 qyrkúiek kúni Qazaqstanda turatyn halyqtardyń «Tilder merekesi» dep jariialanǵany belgili.
Osyǵan orai 2017 jylǵy qyrkúiektiń 20-sy Medeý aýdanyndaǵy № 32 kitaphana ujymy jáne Dm. Snegin atyndaǵy № 30 mektep-gimnaziiasy birlesip «Qazaq atyn tanytqan úsh tuǵyr til» merekesin ótkizdi.
Aldymensóz kezegi berilgen mektep-gimnaziia direktory Erejepova Ǵaliia Batihanqyzy táýelsiz elimizde ómir súrip otyrǵan túrli ult ókilderi arasyndaǵy dostyq pen birlikti nyǵaitý barysynda memlekettik tilge qurmet sezimderin qalyptastyrý, úsh tildilik saiasatyn damytý maqsatynda uiymdastyrylyp otyrǵan bul merekeniń memleketimizde basymdyqqa ie bolyp otyrǵan úsh tilde, iaǵni qazaq, aǵylshyn jáne orys tilderinde qatar ótkizilýin zamanǵa sai damýdyń belgisi retinde qabyldaý qajettigin atap ótti.
№ 32 kitaphana «Memlekettik til – bolashaǵym, erteńim» atty kitap kórmesin qoidy. Kitaphana qyzmetkeri Q. Maimysh qazaq tiliniń joǵary mártebesin aiǵaqtaityn birqatar jańa kitaptarmen tanystyryp, qazaq tiliniń tarihy, sózjasamy, qurylymy, tildiń qoǵam ómirindegi mańyzy týraly t.s.s. jańa basylymdarǵa sholý jasady.
«Týǵan tilim – tirligimniń aiǵaǵy,
Tilim barda aitylar syr oidaǵy.
Ósse tilim, men de birge ósemin,
Óshse tilim, men de birge óshemin», – dep, aitýly is-sharaǵa belsene qatysqan oqýshylar qazaq halqynyń ana tili retinde jáne memlekettik til retinde qazaq tiliniń mártebesin erekshe atap ótti.
«Tili bólek bolǵanymen, tilek bir,
Uly dostyq mápelegen júrek gúl.
Qazaqstan bar ulysqa shańyraq,
Shaiqalmastan shattyǵymyz tirep tur!» – dep uran aitqyzǵan osy mereke balalardy ultaralyq tatýlyqqa, birlikke baýlýdyń eń bir kórkem úlgisi bolǵandai. Is-shara barysynda mektep oqýshylary táýelsiz elimizdiń tarihy men saiasi mańyzdy oqiǵalaryn joǵary deńgeide biletinin kórsetti.
Sonymen qatar balalar túrli oiyn-saiystarda óz qabiletterin baiqatty. Mysaly, «Tapqyr dostar» saiysynda úsh oqýshydan eki top quralyp, árbir topqa úsh til boiynsha suraqtar qoiyldy. Seiilbekova A., Qojabashaeva D., Gizzatova M., Ádilbekqyzy M. t.b balalar oiynǵa qyzyǵýshylyq tanytyp, belsene qatysyp, suraqtarǵa durys jaýap berdi.
Bastaýysh synyp oqýshylary «Árqashan kún sónbesin!» ánin úsh tilde oryndasa, orta býyn oqýshylary úsh tilde óleń-jyrlar, qara sózder aitty.
Til merekesinde án aityp, bi bilegen balalar kórermenderdi ónerimen tánti etti. Atap aitar bolsaq, oqýshylar Naýryzbaev B., Jánibekova A., Djýmaeva S., Tulymbetov D. qazaq, aǵylshyn jáne orys tilderinde óleńder oqysa, 6 «á» «b» synyp oqýshylary E. Hasanǵalievtiń «Atameken» ánin hor bolyp oryndady, egizder Joldasova V., Joldasova A. qazaq biin biledi.
Mektep-gimnaziia direktorynyń tárbie jónindegi orynbasary M.K. Jiǵanbaevanyń jetekshiligimen uiymdastyrylǵan osy til merekesi:
«Árbir tilde sóile álemdi tań qylyp,
Ana tilin bilmei ósken áńgúdik.
Óser bolsań, baitaq dalań turǵanda,
Qazaq tili jasaý kerek máńgilik!» dep, enshimizge berilgen bai, asyl, alyp murany jas urpaqtyń ári qarai jalǵastyrýy – bolashaq úshin mańyzy zor mindet ekenin sanasyna sińirgeniniń aiqyn kórinisi boldy.
Atalmysh mektep-gimnaziianyń direktory Ǵaliia Batihanqyzy men direktordyń orynbasary Madina Kenjebekqyzynyń úzdik jetekshiligimen oqýshylar alýan túrli merekelerge únemi belsene aralasyp, bilim jáne ónerdiń biik tuǵyrynan kórinip júr. Keleshekte eliniń úmitin aqtai alatyndai ozyq oily azamattardy qalyptastyrý jolynda aianbai eńbek etip kele jatqan mektep basshylaryna myń alǵys bildiremiz.
№ 32 kitaphana meńgerýshisi
Aisha Baimahanbetqyzy,
QR mádeniet qairatkeri
