Belgili aqyn, shyndyq sózden taspa tiletin úlken talant ıesi Tóreǵalı Táshenov qoǵamdyq ómirimizdegi keleńsiz jaıttardy óleńmen órnektep, oqyrman qaýymnyń yqylasyna bólinip júrgen sanaýly aqyndardyń biri. Ult múddesi turǵysynan sóz aıtýǵa mashyqtanǵan aqyn «Baq» degen jyrynda birneshe maqalaǵa arqaý bolatyn ózekti máseleni tórt-bes shýmaq jyr joldaryna syıǵyzyp jiberipti. Etekteı qylyp maqala jazǵansha, arasynda osylaı otty óleńmen-aq qoǵamǵa baǵa berýge bolatyny anyq. Osy rette aqynnyń shyndyqty osyp-osyp aıtqan otty jyryn oqyrman qaýymǵa usynýdy jón sanadyq.

 

 

BAQ

Baq – pushyq pen aqsaqqa da,

Úsenov Maqsatqa da,

Saǵadıevtiń «Úsh tiline» de,

Vl.Kımniń túshkirigine de qonady;

 

Baq – keıde boqqa qonady,

Tuńǵyshbaıdy tuqyrtyp,

Mataevty múıizdegen Sotqa qonady;

Baq – Telibekovtiń qusyq sózine,

Vasılıı Nıdiń qysyq kózine,

Ánebir dáýdiń boq qarnyna da,

«Qalıla qojanyń» ınternette hıt bolǵan qoshqaryna da,

Shaldy aldap júrgen jas ıiske de,

Vengerdi aldap túsirgen taksıske de qonady;

 

Baq – tegin bilmegenniń taıqy mańdaıyna,

Tilin bilmegennniń «jalko» tańdaıyna,

«Jorǵa bıdiń» shapanynyń shalǵaıyna,

Toıymsyz meshkeıdiń pyshaǵyna,

Keıipsiz qaskóıdiń qushaǵyna,

Banktegi jýan qaranyń portfeline,

Bıliktegi sylań nemeniń ash beline qonady.

 

Baqtyń kózi – soqyr!

Soqyr baq – qaıtip ońdyrmaq?!

Endi, sol Soqyryń,

bir qolyna ilikkenin Ulttyq panteonǵa,

ekinshi qolyna ilikkenin «100 jańa esimniń» ishine aparyp qondyrmaq…

 

https://dalanews.kz/24293