Ádilbek Ómiráliev "Qazaq Air" AQ (Vietjet Qazaqstan) Basqarmasynyń tóraǵasy bolyp taǵaiyndaldy, dep habarlaidy Dalanews.kz.
Ádilbek Ómirálievtiń 18 jyl eńbek ótili bar, onyń 15 jyldan astamy kólik jáne kommýnikatsiia salasyna tiesili.Shveitsariia Konfederatsiiasynyń Eýropalyq ýniversitetinde "Halyqaralyq biznes" mamandyǵy boiynsha iskerlik ákimshilendirý magistri (MVA) dárejesin alǵan. Buǵan deiin M.V. Lomonosov atyndaǵy Máskeý memlekettik ýniversitetiniń esepteý matematikasy jáne kibernetikasy fakýltetin támamdaǵan.
Eńbek jolyn 2007 jyly "Qazkosmos" AQ-da bas maman qyzmetinen bastady. Keiin "Qazaqstan Ǵarysh Sapary" AQ, "Zerde" aqparattyq-kommýnikatsiialyq holdingi men "Samuryq-Qazyna" AQ-da jumys istegen.
2019 jyldan bastap Qazaq Air (Vietjet Qazaqstan) kompaniiasynda qarjy direktory qyzmetin atqardy, al 2024 jyly mamyrdan bastap kompaniianyń Basqarma tóraǵasynyń mindetin atqaryp keldi.
Qazaq Air 2015 jyldyń sáýir aiynda "Samuryq-Qazyna" qorymen quryldy. 2024 jyly 27 jeltoqsanda Qazaq Air aktsiialarynyń 51%-yn Sovico Group/Vietjet quramyna kiretin konsortsiýmǵa satý týraly shartqa qol qoiyldy. "Samuryq-Qazyna" 49% úlesti saqtap qaldy. 2025 jyldyń mamyr aiynda VietJet Qazaq Air-men Vietjet Qazaqstan brendinde birlesken kásiporyn qurǵanyn jariialady. Jańa kásiporyn kem degende Boeing 737 markaly 20 ushaqtan turatyn flotty basqaratyndyǵy josparlanǵan.
Buǵan deiin saitymyzda "Vetnamdaǵy tuńǵysh milliarder áiel jáne Qazaqstan" degen maqala jariialanǵan bolatyn.
