Aýyl sharýashylyǵy mınıstrligimen agroónerkásip kesheninde ınvestısıalyq klımatty jaqsartý jónindegi is-sharalar jospary ázirlendi, ol ústimizdegi jyldyń 8 shildesi kúni ótken úkimet otyrysynda tanystyryldy.
Qazaqstandyq-Vengrıalyq tikeleı ınvestısıalardyń birlesken qory pılottyq joba bolyp otyr, onyń bastapqy kapıtaly 40 mln.AQSH dollary jáne qosymsha ınvestorlar tartý arqyly Qordy kapıtaldandyrý 150 mln dollaryna ulǵaıtylady. Qazirgi ýaqyttyń ózinde ınvestısıalyq jobalardy irikteý júrgizilýde.
Qor ADM Capital táýelsiz kompanıamen basqarylady, ol 16 damýshy elderde ashyq jáne jabyq úlgidegi túrli ınvestısıalyq qorlar arqyly shamamen 1,4 mlrd. AQSH dollary mólsherindegi jıyntyq kapıtaldy basqarady. Qordyń birlesken bolǵanyna qaramastan, ol Qazaqstannyń agroónerkásip keshenindegi basym salalarda iske asyrylatyn jobalarǵa úlestik qatysýdy júzege asyrady, keıinnen qor jobadan shyǵyp, óz úlesin sata alady.
Baný Erǵalıeva aıtýynsha, qordyń basqarýshy kompanıasy Qazaqstanda aýyl sharýashylyǵynyń astyq óndirisi jáne óńdeý, mal sharýashylyǵy, aýylsharýashylyq ónimderin qaıta óńdeý sıaqty sektorlarynda 100-den astam túrli ınvestısıalyq jobalardy qarady. Qazirgi ýaqytta Qorda kelisý jáne qol qoıýǵa daıyndaý satysynda 3 joba jatyr: Aqmola oblysyndaǵy Sút-taýarly fermasy jáne mıneral tyńaıtqyshtaryn shyǵarý zaýyty; Aqtóbe oblysynda jylyjaı keshenin salý.
Tikeleı ınvestısıalardyń jańa qoryn FPP Asset Management LLP kompanıasymen birigip qurý josparlanady.
FPP Asset Management LLP Basqarýshy kompanıa bolady, onyń tikeleı ınvestısıalar qoryn basqarýdaǵy tájirıbesi mol. Basqarýshy kompanıanyń negizgi mindeti, korporatıvtik basqarýdyń tıimdiligin jaqsartý jáne álemdik ozyq tájirıbelerdi engizý, jobalardy qarjylyq baqylaý, táýekelder kartasyn ázirleý jáne qoldaný, jobalardyń operasıalyq monıtorıńi, sondaı-aq qarjylandyrýdy tartý arqyly kompanıanyń qorjyndyq qunyn joǵarylatý bolyp tabylady.
Qordyń áleýetti ınvestorlary úshin agrarlyq sektorda jáne damý naryǵynda mańyzdy tájirıbesi bar táýelsiz basqarýshy kompanıanyń bolýy Qorǵa ınvestısıalaý týraly sheshim qabyldaý kezindegi mańyzdy faktor bolyp tabylady.
Qordyń maqsaty - qazirgi ýaqytta resýrstar jetpeı jatqan qoldanystaǵy agroónerkásiptik kesheni jobalaryn damytý, sondaı-aq mal sharýashylyǵy, qus sharýashylyǵy, jemis-kókónis sharýashylyǵy, balyq ósirý, sút óndirisi, dándi jáne maı daqyldarynyń óndirisi men aýylsharýashylyq tehnıkasyn qurastyrý sıaqty baǵyttar sheńberinde jańa jobalardy qarjylandyrý bolyp tabylady. Jobalar bastapqy óndiristi, qaıta óńdeýdi, logıstıkany, saqtaýdy jáne óndiris quraldaryn jetkizýdi, saýda-sattyqty qarastyratyn bolady. Qarjylandyrýdan basqa, qordyń qyzmeti tehnologıanyń transfertin jáne joba menejmentin sapaly jaqsartýdy tuspaldaıdy.
Osylaısha, qordyń qyzmeti Qazaqstannyń agrarlyq salasyn ındýstrıalandyrýǵa yqpalyn tıgizedi.
Birlesip iske asyrý úshin sheteldik seriktesterdi izdestirý maqsatynda, «QazAgro» holdıńiniń perspektıvalyq ınvestısıalyq jobalary holdıńtiń korporatıvtik portalynda ornalastyrylǵan, sondaı-aq olar týraly aqparat áleýetti sheteldik ınvestorlar arasynda taratý maqsatynda Qazaqstan Respýblıkasynyń múddeli memlekettik organdaryna jiberildi.
Kezdesý barysynda sheteldik delegasıaǵa Qazaqstannyń aýyl sharýashylyǵyn damytýdaǵy jalpy jaǵdaı týraly, ony qoldaýdyń memlekettiń sharalary, «QazAgro» holdıńi men onyń enshiles kásiporyndarynyń qyzmeti, «QazAgro» holdıńi kompanıasy tobynyń otandyq aýylsharýashylyq taýar óndirýshileri men birlesken kásiporyndardy qarjylandyrý sharttary týraly aqparat beriledi. Osy rette sheteldik kompanıalarǵa Qazaqstan Respýblıkasynyń aýmaǵynda jobalardy iske asyrý boıynsha birlesken komanıalar qurý úshin qazaqstandyq aýylsharýashylyq taýar óndirýshileriniń arasynan seriktester izdestirý máselesin qarastyrýǵa usynys jasalady.
Derekkózi: Qazaqparat
