Bılik ókiliniń málimetteri boıynsha, olardyń barlyǵy oblystyń ár aýdanynda anyqtalǵan. Birinshi jaǵdaıda İle aýdanynyń provızor gospıtalinde karantınde bolǵan 63 jastaǵy áıel vırýs juqtyrǵan. Ol koronavırýstan qaıtys bolǵan Aqmola oblysy Qosshy aýylynyń 64 jastaǵy turǵynymen bir qudalyqta bolǵan.
Ekinshi jaǵdaı Jambyl aýdanynda tirkeldi. 1997 jyly týǵan qyz 20 naýryzda Ońtústik Koreıadan Ie Choý-Almaty reısimen kelgen.
Úshinshi naýqas Qarasaı aýdanynyń 1995 jylǵy turǵyny. Ol júktiliktiń 21-22 aptasynda.
– Barlyq naýqas Qarasaı juqpaly aýrýlar aýrýhanasynda emdelip jatyr. Oblys ákimi Amandyq Batalov atalǵan úsh aýdanda dezınfeksıalyq sharalardy kúsheıtýdi tapsyrdy, – dep habarlaıdy oblys ákiminiń baspasóz qyzmeti.
